«Еўропа падтрымлівае гэтых смелых палітвязняў!»

27 June 2024, 12:19 PM
«Еўропа падтрымлівае гэтых смелых палітвязняў!»

Орас Цінкінен, Піна Пічэрна і Сандра Бубендорфер-Ліхт

У межах кампаніі салідарнасці # WeStandBYyou Орас Цінкінен (Зялёны саюз, Эдускунта, Фінляндыя), Піна Пічэрна (Дэмакратычная партыя, Прагрэсіўны альянс сацыялістаў і дэмакратаў, Еўрапейскі парламент, Італія) і Сандра Бубендорфер-Ліхт (Свабодная дэмакратычная партыя, Бундэстаг Германіі) сталі "хроснымі" Алесі Лянцэвіч, Кацярыны Калыбенкі ды Анастасіі Лазарэнкі.

Алеся Лянцэвіч — псіхатэрапеўтка, якую арыштавалі 25 траўня 2023 года за каментары ў інтэрнэце, у тым ліку за тое, што яна назвала Лукашэнку псіхапатам. Яна таксама рабіла ахвяраванні ў фонды салідарнасці, якія пазней былі прызнаныя "экстрэмісцкімі фармаваннямі". Алесю асудзілі да трох гадоў пазбаўлення волі за "абразу Лукашэнкі" (арт.368 КК) і "фінансаванне экстрэмісцкай дзейнасці" (арт. 361-2 КК). Вядома, што Алеся пакутуе на сур'ёзнае захворванне, таму знаходзіцца ў групе высокай рызыкі праз турэмнае зняволенне.

Абавязкі "хроснага" Алесі Лянцэвіч узяў на сябе чалец фінскага парламента ад партыі Vihreä liitto (Зялёны саюз) Орас Цінкінен. Ён тлумачыць сваё рашэнне:

"На жаль, выпадак Алесі не выключны. Нелегітымнае аўтарытарнае кіраванне Аляксандра Лукашэнкі прывяло да таго, што тысячы беларусаў і беларусак апынуліся за кратамі за тое, што яны адстойвалі свае правы. Але, на шчасце, Алеся не самотная. Мы на яе баку. І мы не спынімся, пакуль яна ды ўсе іншыя вязні сумлення Беларусі не апынуцца на волі. Для мяне вялікі гонар стаць "хросным" Алесі як палітычнай зняволенай. Мой абавязак як чальца парламента — змагацца за ўсеагульныя правы чалавека паўсюль і для ўсіх. Пуцінская Расія выкарыстоўвае Беларусь як інструмент у жорсткай і неапраўданай агрэсіўнай вайне ва Украіне. Тыраніі Лукашэнка мусіць быць пакладзены канец".

Кацярына Калыбенка была арыштаваная 10 студзеня 2023 года за каментары аб дзяржаўным служачым. Кацярына павінна адбыць 3,5 года турэмнага зняволення за "гвалт або пагрозу ў дачыненні да прадстаўніка ўлады" (арт. 366 КК) і "абразу прадстаўніка ўлады" (арт. 369 КК).

Палітзняволеную Кацярыну падтрымлівае, стаўшы яе "хроснай", віцэ-прэзідэнтка Еўрапейскага парламента ды італьянская дэпутатка ад Прагрэсіўнага альянсу сацыялістаў і дэмакратаў ад Partito Democratico Піна Пічэрна. Яна заяўляе:

"Я вырашыла "удачарыць" Кацярыну Калыбенку, што была асуджаная па артыкулах 369 і 364 Крымінальнага кодэкса за каментар на адрас супрацоўніка органаў унутраных спраў, размешчаны ў інтэрнэце. Яна была асуджаная да трох гадоў і шасці месяцаў абмежавання волі з накіраваннем у папраўчую ўстанову адкрытага тыпу. Беларускі рэжым Лукашэнкі штодня рэпрэсуе палітычную апазіцыю, журналістаў ды СМІ і тым самым парушае правы чалавека. Яго рэжым павінен быць прыцягнуты да адказнасці за свае злачынствы супраць беларусаў і падтрымку вайны Расіі супраць Украіны. Я падтрымліваю вас і вашае права быць свабоднымі. Еўропа падтрымлівае гэтых смелых палітвязняў!"

Анастасія Лазарэнка — юрыстка і адвакатка, якая выступала, у тым ліку ў абарону палітвязняў. Акрамя гэтага, яна даглядала за сваім бацькам сталага веку і хранічна хворым сынам. 2 чэрвеня 2022 года ў яе дом уварваліся сілавікі ды арыштавалі адвакатку. Анастасію абвінавацілі ў тым, што яна нібыта перадала асабістыя дадзеныя супрацоўнікаў праваахоўных органаў праз чат і ўзяла ўдзел у пратэсным маршы. Анастасію асудзілі да шасці гадоў пазбаўлення волі за "актыўныя дзеянні, што груба парушаюць грамадскі парадак" (арт. 342 КК), "распальванне іншай сацыяльнай нянавісці" (арт. 130 КК) і "незаконныя дзеянні ў дачыненні да персанальных дадзеных" (арт.203-1 КК).

"Хроснай" адвакаткі стала дэпутатка нямецкага Бундэстага ад свабоднай дэмакратычнай партыі Сандра Бубендорфер-Ліхт, якая ўжо ў другі раз выказвае салідарнасць такім чынам з палітвязнямі Беларусі.

"Анастасія Лазарэнка плаціць высокую цану за сваё імкненне да свабоды. Адвакатку абвінавацілі ў арганізацыі дзеянняў, якія сур'ёзна парушалі грамадскі парадак, — за аказанне бясплатнай юрыдычнай дапамогі сваякам палітвязняў. Анастасія была асуджаная да шасці гадоў калоніі. Гэта невытлумачальная несправядлівасць! Яна мусіць быць неадкладна вызвалена! Я адчуваю найвялікшую павагу і захапленне да народу Беларусі, чыя адвага ў барацьбе за свабоду пераўзыходзіць страх перад рэжымам ды яго бандытамі. Многія рызыкуюць сваім станам, здароўем і жыццём дзеля незалежнай будучыні. Нямеччына і ўся Еўропа падтрымліваюць дэмакратычны рух у Беларусі. Жыве Беларусь!"

Пераклад на беларускую мову: сайт "Вясны"

See more news

Еўрапейская платформа за дэмакратычныя выбары заклікае да неадкладнага вызвалення вясноўцаў
18 July 2024, 10:17 AM
Еўрапейская платформа за дэмакратычныя выбары заклікае да неадкладнага вызвалення вясноўцаў
Еўрапейская платформа за дэмакратычныя выбары (EPDE) заклікае да неадкладнага вызвалення сваіх калегаў і ўсіх палітычных зняволеных у Беларусі.
Двое новых «хросных» са Швейцарыі і Чэхіі для палітвязняў у Беларусі
18 July 2024, 10:03 AM
Двое новых «хросных» са Швейцарыі і Чэхіі для палітвязняў у Беларусі
У межах кампаніі #WeStandBYyou Беат Флах (партыя "Грунліберале", Швейцарыя) і Майкл Тонгі ("Зялёныя", Швейцарыя) сталі "хроснымі" Арцёма Караткевіча і Руслана Завадзіча.
Белорусский Хельсинкский Комитет опубликовал анализ динамики Национального индекса прав человека за 5 лет
16 July 2024, 8:21 AM
Белорусский Хельсинкский Комитет опубликовал анализ динамики Национального индекса прав человека за 5 лет
Национальный индекс прав человека создает группа экспертов гражданского общества при общей координации Белорусского Хельсинкского Комитета.
Заявление проекта «Право на Защиту» в связи с признанием сайта экстремистскими материалами
16 July 2024, 7:54 AM
Заявление проекта «Право на Защиту» в связи с признанием сайта экстремистскими материалами
«Если государство настроилось исключительно на репрессии, то говорить о праве на защиту — уже экстремизм».

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці