Фолькер Цюрк прызначаны Вярхоўным камісарам ААН па правах чалавека

26 September 2022, 10:31 AM
Фолькер Цюрк прызначаны Вярхоўным камісарам ААН па правах чалавека

Фота ААН/М.Эліяс

   

Вярхоўным камісарам Арганізацыі Аб'яднаных Нацый па правах чалавека прызначаны Фолькер Цюрк з Аўстрыі, піша сайт ААН. На гэтай пасадзе ён зменіць Мішэль Бачэлет з Чылі. Кандыдатура Цюрка была прапанавана Генеральным сакратаром ААН Антоніў Гутэрышам і ўхвалена Генеральнай Асамблеяй ААН.

«Цюрк прысвяціў сваю доўгую і выбітную кар'еру прасоўванню ўсеагульных правоў чалавека, у прыватнасці, міжнароднай абароне адных з найбольш уразлівых людзей у свеце – бежанцаў і асоб без грамадзянства», - гаворыцца ў заяве Генеральнага сакратара ААН.

У Фолькера Цюрка багаты паслужны спіс. Цяпер ён займаецца каардынацыяй палітычнай работы ААН па ўсім свеце на пасадзе намесніка Генеральнага сакратара ААН, а з 2019 па 2021 год Цюрк працаваў памочнікам Генсакратара па стратэгічнай каардынацыі.

 

Фолькер Цюрк шмат гадоў працаваў ва Упраўленні Вярхоўнага камісара ААН па справах бежанцаў

Новы Вярхоўны камісар па правах чалавек на працягу доўгага часу працаваў ва Упраўленні Вярхоўнага камісара па справах бежанцаў як у штаб-кватэры ў Жэневе, так і ў прадстаўніцтвах Упраўлення па ўсім свеце. Ён, у прыватнасці, адказваў за распрацоўку знакавага Глабальнага дагавора аб бежанцах.

Новы кіраўнік Упраўлення Вярхоўнага камісара па правах чалавека (УВКПЧ) – выпускнік Лінцкага ўніверсітэта і мае ступень доктара ў галіне міжнароднага права, атрыманую ў Венскім універсітэце. Папярэднікам Цюрка на чале УВКПЧ была Мішэль Бачэлет з Чылі. Яна займала пасаду Вярхоўнага камісара з 1 верасня 2018 года да 31 жніўня 2022 года.

Вярхоўны камісар Арганізацыі Аб'яднаных Нацый па правах чалавека адказвае за дзейнасць ААН на праваабарончым напрамку. Сярод яго асноўных задач - садзейнічанне эфектыўнай рэалізацыі ўсіх правоў чалавека, стымуляванне і каардынацыя дзеянняў у галіне правоў чалавека ў рамках сістэмы ААН, аказанне дапамогі ў распрацоўцы новых стандартаў у праваабарончай сферы, садзейнічанне ратыфікацыі дагавораў аб правах чалавека.

 

Арыгінальны артыкул на сайце ААН

Пераклад на беларускую мову: БДПЧ

See more news

Працоўная група ААН прызнала парушэнні правоў палітзняволенага адваката Віталя Брагінца
24 January 2024, 5:56 PM
Працоўная група ААН прызнала парушэнні правоў палітзняволенага адваката Віталя Брагінца
Працоўная група ААН па адвольных затрыманнях разгледзела справу Віталя Брагінца і прыйшла да высновы, што Беларусь парушыла яго правы.
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
20 January 2024, 4:08 PM
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
Камітэт ААН па правах чалавека прыняў рашэнне па "справе аб экстрэмізме" супраць гамельчука Паўла Катаржэўскага. У 2017 годзе хлопца асудзілі за рэпост "Вконтакте" з групы "Революционное действие".
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
20 January 2024, 3:35 PM
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
Камітэт ААН па правах чалавека даслаў праваабаронцу Леаніду Судаленка рашэнне (№2929/2017) наконт скаргі аб сістэматычных парушэннях недатыкальнасці яго прыватнага жыцця, гарантаванага артыкулам 17 Міжнароднага пакту аб грамадзянскіх ды палітычных правах.
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
20 January 2024, 3:25 PM
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
Суд Івацэвіцкага раёна 15 студзеня пастанавіў замяніць палітвязню Рыгору Кастусёву, асуджанаму да 10 гадоў калоніі, рэжым утрымання на турэмны.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці