Харасці: “Беларусь вярнулася да падаўлення тых, хто крытыкуе дзяржаўную палітыку”

02 November 2017, 4:43 AM
Харасці: “Беларусь вярнулася да падаўлення тых, хто крытыкуе дзяржаўную палітыку”

26 кастрычніка спецдакладчык ААН па Беларусі Міклаш Харасці прадставіў свой даклад па сітуацыі з правамі чалавека ў краіне на 72-й сесіі Генеральнай Асамблеі ААН у Нью-Йорку (ЗША).

У сваім выступе сп. Харасці яшчэ раз нагадаў пра масавыя арышты, якія адбыліся падчас сакавіцкіх падзеяў і былі вельмі падобныя на тыя, што здараліся ў 2011 годзе, пасля чаго Саветам па правах чалавека быў заснаваны мандат спецдакладчыка ААН па Беларусі.

“У гэтым годзе краіна вярнулася да падаўлення тых, хто крытыкуе дзяржаўную палітыку. У сваім дакладзе ў прошлым годзе я папярэджваў наколькі небяспечна адсутнасць якіх-небудь зменаў у сістэме кіравання ў Беларусі. Не гледзячы на некаторыя фасадныя змены ў метадах, якія выкарыстоўвае ўлада, яна па-ранейшаму захоўвае у дзеяннях тыя ж самыя законы. Прычыны гэтага цыклічнага характара гвалтоўнага закручвання гаек у Беларусі заключаецца ў сістэме кіравання, якая напрамую залежыць ад выканаўчай галіны ўлады, у прыватнасці ад цяперашняга прэзідэнта, які знаходзіцца пры ўладзе чвэрць стагоддзя.

Мой даклад перад вамі мае сабе на мэце патлумачыць, якім чынам прэзідэнт выбудаваў дзяржаўную структуру, якая толькі кансалідуе і абараняе яго ўладу. Нават сімвалічны прагрэс у вобласці правоў чалавека служыць гэтай мэце”, – адзначыў сп. Харасці.

Ён адзначыў нязначныя паляпшэнні за год – рэгістрацыя арганізацыі “Гавары праўду” і прадстаўленне Беларуссю даклада ў Камітэт па правах чалавека, які чакаўся з 2001 года. Такім чынам, на думку спецдакладчыка, затрымка ў 16 гадоў сведчыць пра тое, як краіна выконвае свае міжнародныя дамоўныя абавязальніцтвы.

Таксама Міклаш Харасці нагадаў, што Беларусь па-ранейшаму з’яўляецца адзінай краінай амаль ва ўсім паўночным паўшар’і Зямлі, акрамя ЗША, дзе захоўваецца смяротнае пакаранне.

“Улічваючы абмежаванні ў вобласці правоў чалавека, гэты факт з’яўляецца яшчэ аднім дадатковым элементам страху з боку грамадзянаў, бо яны могуць апынуцца ў судзе за зачыненымі дзвярыма, дзе ім можа быць вынесены смяротны прысуд, і пры гэтым не гарантуюцца ніякія правы чалавека: ні самаго асуджанага, ні яго сям’і”, – сказаў ён.

Міклаш Харасці адзначыў, што беспадстаўныя арышты палітычных апанентаў улады, сфабрыкаваная справа супраць “Белага легіёна” – паўтарэнне практыкі, якая пачалася пяць гадоў таму, і яшчэ адна характарыстыка цыклічнасці ў галіне правоў чалавека ў Беларусі.

Сп. Харасці зноў заклікаў улады Беларусі супрацоўнічаць з яго мандатам і падкрэсліў, што гатовы ў любой форме дапамагчы ўраду перайсці да захавання тых абавязальніцтваў, якія краіна ўзяла на сябе ў галіне правоў чалавека.

See more news

Increasingly severe restrictions on civic space and fundamental freedoms: UN hosts interactive dialogue on Belarus
24 September 2021, 1:44 PM
Increasingly severe restrictions on civic space and fundamental freedoms: UN hosts interactive dialogue on Belarus
The human rights situation in Belarus has continued to worsen in 2021, Michelle Bachelet, UN High Commissioner for Human Rights, said in her statement as part of an Interactive Dialogue on the interim oral update of OHCHR on the situation of human rights in Belarus within the 48th session of the Human Rights Council.
Мишель Бачелет: Аресты активистов и журналистов, пытки, ликвидация СМИ – ситуация в Беларуси только ухудшается
24 September 2021, 1:14 PM
Мишель Бачелет: Аресты активистов и журналистов, пытки, ликвидация СМИ – ситуация в Беларуси только ухудшается
Ситуация с правами человека в Беларуси продолжает ухудшаться. В стране не прекращаются преследования и аресты активистов, журналистов и других представителей гражданского общества и идет наступление на основные гражданские права и свободы. Таков вывод обзора, который Верховный комиссар ООН по правам человека Мишель Бачелет представила в Женеве. 
«Всем швейцарским компаниям – запретить финансировать пропагандистские каналы Лукашенко»
20 September 2021, 4:10 PM
«Всем швейцарским компаниям – запретить финансировать пропагандистские каналы Лукашенко»
Швейцарские правозащитные организации написали открытое письмо министру иностранных дел Кассису с требованием освободить Наталью Херше из беларусской тюрьмы.
Libereco заклікае вызваліць Марыю Калеснікаву і ўсіх палітвязняў Беларусі
15 September 2021, 9:02 AM
Libereco заклікае вызваліць Марыю Калеснікаву і ўсіх палітвязняў Беларусі
Нямецка-швейцарская праваабарончая арганізацыя “Ліберэка” 10 верасня апублікавала адкрыты ліст з заклікам вызваліць несправядліва асуджаную Марыю Калеснікаву і ўсіх палітвязняў.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці