Human Rights Watch: «Давайце называць рэчы сваімі імёнамі!»

27 July 2021, 4:39 PM
Human Rights Watch: «Давайце называць рэчы сваімі імёнамі!»

Арганізацыя Human Rights Watch выступіла з заявай, дзе адзначыла, што ўлады Беларусі пачалі масіраваны наступ на дзясяткі няўрадавых арганізацый, якія традыцыйнага складалі касцяк дынамічнай грамадзянскай супольнасці ў гэтай краіне.

Пад удар трапілі групы самага рознага профілю, у тым ліку якія займаюцца правамі людзей з інваліднасцю і пенсіянераў, пытаннямі свабоды прэсы і экалогіі. У іх ліку апынуліся нават такія шырока вядомыя ў свеце арганізацыі, як Беларуская асацыяцыя журналістаў - БАЖ, Беларускі ПЭН-цэнтр, які ўзначальвае нобелеўскі лаўрэат Святлана Алексіевіч, і Press Club Belarus.

22 ліпеня Мінскі гарвыканкам ліквідаваў Lawtrend і Human Constanta, якія актыўна займаліся дакументаваннем парушэнняў правоў чалавека і наданнем прававой дапамогі пацярпелым ад іх, уключаючы бясплатнае адвакацкае суправаджэнне, а таксама праводзілі аналіз заканадаўства. Улады выкарыстоўваюць бюракратычны тэрмін "ліквідацыя", і тое, што адбываецца наводзіць на думкі аб сталінскіх чыстках.

Тыднем раней праваахоўнікі правялі масавыя ператрусы з адабраннем аргтэхнікі ў офісах і дамах супрацоўнікаў больш за 40 няўрадавых арганізацый; цэлы шэраг вядомых праваабаронцаў былі затрыманыя і затым пакінутыя пад вартай да суда.

Гэта адбываецца ў развіццё ўжо год нарастальнага закручвання гаек. Улады зачышчаюць поле ад усіх актараў, якіх яны так ці інакш звязваюць з шырокімі пратэстамі пасля прэзідэнцкіх выбараў 9 жніўня мінулага года. На сённяшні дзень за кратамі знаходзіцца больш за 500 чалавек. Ад арыштаў журналістаў, ператрусаў у рэдакцыях і закрыцця СМІ ўлады цяпер перайшлі да вынішчэння грамадзянскіх груп, якія адстойваюць шырокі спектр правоў. Паралельна ідзе ціск на адвакатаў, якія пад пагрозай крымінальнага пераследу не могуць нават каментаваць абвінавачванні, што прад'яўляюцца фігурантам такіх спраў.

Ці варта дзівіцца таму, што ўрад, які гатовы дзеля арышту актывіста пасадзіць чужой грамадзянскі самалёт пад фіктыўнай падставай пагрозы тэракту, без ваганняў пусціць пад нож грамадзянская супольнасць ва ўласнай краіне.

Праваабарончым і іншым няўрадавым арганізацыям шмат гадоў удавалася неяк выжываць ва ўмовах створанага Аляксандрам Лукашэнкам аўтарытарнага рэжыму. Яны падвяргаліся пастаяннаму прэсінгу, маргіналізацыі, арыштам супрацоўнікаў - але працягвалі сваю дзейнасць. Але тое, што адбылося на гэтым тыдні, азначае канец грамадзянскай супольнасці, якую мы прывыклі бачыць у Беларусі. Няма сумневаў, што грамадзянская актыўнасць працягнецца - але цяпер, хутчэй за ўсё, гэта будзе жыццё ў падполлі або ў выгнанні.

"І давайце больш не будзем называць тое, што адбываецца "наступам на грамадзянскую супольнасць". На нарадзе з міністрамі 22 ліпеня сам Аляксандр Рыгоравіч не пасаромеўся загаварыць менавіта пра "зачыстку", і нам таксама варта называць рэчы сваімі імёнамі. Ключавыя міжнародныя актары павінны разам стаць на абарону грамадзянскай супольнасці ў Беларусі і супрацьстаяць спробам расправы нам ім", - падкрэсліваецца ў заяве Human Rights Watch.

Пераклад на беларускую мову: сайт "Вясны"

See more news

Беларускі Хельсінкскі Камітэт выступіў на 55-й сесіі Рады па правах чалавека
27 March 2024, 9:12 AM
Беларускі Хельсінкскі Камітэт выступіў на 55-й сесіі Рады па правах чалавека
Фокус міжнароднай адвакацыі – вызваленне палітычных зняволеных і прарыў рэжыму incommunicado, стварэнне незалежнага механізму падсправаздачнасці для прасоўвання расследавання з боку УВКПЧ сітуацыі ў Беларусі і працяг мандата Спецыяльнага дакладчыка па Беларусі.
Доклад УВКПЧ: содержание в состоянии инкоммуникадо может быть приравнено к насильственному исчезновению
23 March 2024, 2:53 PM
Доклад УВКПЧ: содержание в состоянии инкоммуникадо может быть приравнено к насильственному исчезновению
Вышла неотредактированная версия Доклада Верховного комиссара ООН по правам человека «Ситуация с правами человека в Беларуси в преддверии президентских выборов 2020 года и после них». Комментирует проект «Право на защиту».
Доклад по Беларуси обсудили на сессии Совета по правам человека. Беларусь: политических заключенных в стране нет
23 March 2024, 2:42 PM
Доклад по Беларуси обсудили на сессии Совета по правам человека. Беларусь: политических заключенных в стране нет
20 марта 2024 года прошло 36-ое заседание 55ой очередной сессии Совета по правам человека. О нем рассказывает проект «Право на защиту».

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці