«Іх затрыманне – ганьба». Дэпутаты Еўрапарламента выступілі ў падтрымку зняволеных вясноўцаў

02 August 2021, 4:23 AM
«Іх затрыманне – ганьба». Дэпутаты Еўрапарламента выступілі ў падтрымку зняволеных вясноўцаў

Алесь Бяляцкі, Валянцін Стэфановіч і Уладзь Лабковіч

Тры дэпутаты Еўрапейскага парламента распаўсюдзілі заяву, у якой заклікалі вызваліць праваабаронцаў “Вясны” Валянціна Стэфановіча, Уладзіміра Лабковіча і Алеся Бяляцкага.

Адпаведнае паведамленне з’явілася ў твітары Анджэя Халіцкага.

“Мы вельмі занепакоеныя лёсам трох лідараў Праваабарончага цэнтра "Вясна", Валянціна Стэфановіча, Уладзіміра Лабковіча і яго заснавальніка Алеся Бяляцкага, якія былі затрыманыя і цяпер знаходзяцца ў следчым ізалятары.

Яны з надзвычайнай мужнасцю прысвяцілі сябе прасоўванню правоў чалавека ў Беларусі. Яны працуюць над паляпшэннем жыцця сваіх суграмадзянаў, прапаноўваючы юрыдычную дапамогу і кансультацыі тым, хто пацярпеў ад парушэнняў правоў чалавека.

Іх затрыманне - ганьба. Беларускія ўлады павінны зразумець, што немагчыма пасадзіць у турму ўсё грамадства, якое летась праявіла незвычайную мужнасць і рашучасць у барацьбе за свабоду.

Таму мы заклікаем да неадкладнага вызвалення Валянціна Стэфановіча, Уладзіміра Лабковіча і Алеся Бяляцкага. Іх незаконнае затрыманне толькі пагаршае дэлегітымацыю ўлады і абцяжарвае дасягненне сацыяльнага свету ў Беларусі”.

Заяву падпісалі Бернард Гета, Анджэй Халіцкі і Роберт Бедронь.

Пераклад на беларускую мову - сайт "Вясны"

Share

See more news

«Ніякіх прыкметаў прагрэсу няма». Спецдакладчык па Беларусі выступіў у ААН
07 July 2025, 2:01 PM
«Ніякіх прыкметаў прагрэсу няма». Спецдакладчык па Беларусі выступіў у ААН
У межах 59 сесіі Рады па правах чалавека ААН у Жэневе выступіў Спецыяльны дакладчык па сітуацыі з правамі чалавека ў Беларусі Нілс Муйжніекс.
ПАСЕ прызнала адказнасць Лукашэнкі за перамяшчэнне ўкраінскіх дзяцей
26 June 2025, 1:46 PM
ПАСЕ прызнала адказнасць Лукашэнкі за перамяшчэнне ўкраінскіх дзяцей
Рэзалюцыя "Прававыя аспекты і аспекты правоў чалавека агрэсіі Расійскай Федэрацыі супраць Украіны" была прынятая 24 чэрвеня падчас летняй сесіі ПАСЕ.
Эксперты ААН устрывожаныя парушэннямі правоў прафсаюзных актывістаў
16 June 2025, 1:16 PM
Эксперты ААН устрывожаныя парушэннямі правоў прафсаюзных актывістаў
Яны заклікалі ўрад краіны паўнавартасна супрацоўнічаць з Упраўленнем Вярхоўнага камісара ААН па правах чалавека, праваабарончымі механізмамі ААН, Міжнароднай арганізацыяй працы (МАП) і яе нагляднымі органамі для забеспячэння захавання правоў чалавека лідараў і сябраў незалежных прафсаюзаў.
На Міжнароднай канферэнцыі працы звярнулі ўвагу на пераслед працаўнікоў і незалежных прафсаюзаў у Беларусі
10 June 2025, 12:31 PM
На Міжнароднай канферэнцыі працы звярнулі ўвагу на пераслед працаўнікоў і незалежных прафсаюзаў у Беларусі
На 113-й сесіі Міжнароднай канферэнцыі працы (МКТ), якая штогод арганізуецца Міжнароднай арганізацыяй працы (МАП), разгледзелі пытанне пераследу працаўнікоў і незалежных прафсаюзаў у Беларусі.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці