IV Беларускі праваабарончы форум

17 October 2017, 4:55 PM
IV Беларускі праваабарончы форум

19-21 кастрычніка 2017 года ў Вільні адбудзецца IV Беларускі праваабарончы форум, у якім прымуць удзел 140 прадстаўнікоў з 29 беларускіх праваабарончых арганізацый; арганізацый, якія маюць у сваёй дзейнасці праваабарончы кампанент; праваабаронцы, якія дзейнічаюць у індывідуальнай якасці, асобныя эксперты. Гасцямі Форуму стануць прадстаўнікі беларускіх арганізацый грамадзянскай супольнасці, а таксама партнёры з замежных і міжнародных праваабарончых структур.

Мэтамі Форуму з’яўляюцца:

  1. Ацэнка сітуацыі з правамі чалавека ў Беларусі;

  2. Абмеркаванне праблем праваабарончага руху Беларусі;

  1. Абмеркаванне пытанняў камунікацыі і супрацоўніцтва, абмен вопытам і пазітыўнымі практыкамі.

На Форуме будуць прадстаўлены вынікі даследаванняў праваабарончага сектара Беларусі, асобная ўвага будзе нададзена абмеркаванню Прынцыпаў дзейнасці праваабаронцаў Беларусі.

Падчас пленарных паседжанняў запланаваныя дыскусіі “Куды мы ідзем: варыянты развіцця праваабарончага сектару на бліжэйшыя 5-10 гадоў”, “Правы чалавека ў Беларусі ў міжнародным кантэксце”.

У межах Форуму плануюцца 11 паралельных мерапрыемстваў, на якіх будуць разгледжаны пытанні, датычныя дзейнасцi офicаў прававой дапамогi праваабарончых арганiзацый, права на інфармацыю ў Беларусі, салідарнасці падчас рэпрэсій, новых выклікаў для правоў чалавека ў лічбавую эпоху, адукацыі ў сферы правоў чалавека, гендэрнай ідэнтычнасці, будзе ацэнены досвед выкарыстання крытэраў вызначэння палітвязняў і дадзена ацэнка савецкіх рэпрэсій як асновы сённяшніх парушэнняў правоў чалавека. Увага будзе ўдзелена пашырэнню сярод праваабаронцаў і партнёраў падыходу, заснаванаму на правах чалавека, грамадскім праваабарончым кампаніям, праблемам парушэння правоў чалавека падчас крымінальнага пераследу за распаўсюд наркотыкаў.

Падчас Форуму адбудзецца прэзентацыя​ ​ серыі​ ​ “Беларуская​ ​ турэмная​ ​ літаратура”​ ​ і​ ​ турэмнага дзённіка Зміцера​ ​ Дразда, будзе дзейнічаць майстэрня школы лічбавай бяспекі Беларускага Дома правоў чалавека ім. Б.Звозскава (DSS375).

Па выніках Форуму плануецца прыняцце Рэзалюцыі.

У Аргкамітэт Форуму ўваходзяць Асамблея няўрадавых дэмакратычных арганізацый, РПГА “Беларускі Хельсінкскі камітэт”, Праваабарончы цэнтр “Вясна”, ГА “Беларуская асацыяцыя журналістаў”, ГУ “Беларускі Дом правоў чалавека імя Б. Звозскава”, ПУ “Беларускі дакументацыйны цэнтр”, Камітэт абароны рэпрэсаваных “Салідарнасць”, Асветніцкая ўстанова “Цэнтр прававой трансфармацыі”.

Першы Беларускі праваабарончы форум адбыўся ў 2004 годзе каля Мінска, другі – у 2010 годзе ў Вільні, трэці – у 2013 годзе ў Вільні.

See more news

БДПЧ абвяшчае конкурс грантаў для развіцця арганізацыйнага патэнцыялу
05 January 2024, 10:17 AM
БДПЧ абвяшчае конкурс грантаў для развіцця арганізацыйнага патэнцыялу
Беларускі дом правоў чалавека імя Барыса Звозскава абвяшчае конкурс на падтрымку арганізацыяў грамадзянскай супольнасці, што працуюць з тэмамі правоў чалавека.
Арганізацыйная падтрымка ад «РАДА»
27 October 2023, 11:06 AM
Арганізацыйная падтрымка ад «РАДА»
Праграма арганізацыйнай падтрымкі Беларускага нацыянальнага моладзевага савета «РАДА» прызначана для аказання кароткатэрміновай дапамогі прадстаўнікам_цам моладзевых арганізацый і ініцыятыў, актывістам_кам моладзевага сектара, якія пацярпелі ад палітычнага пераследу.
Стыпендыяльная праграма для журналістаў ад Free Belarus Center
25 September 2023, 8:23 AM
Стыпендыяльная праграма для журналістаў ад Free Belarus Center
Free Belarus Center запускае стыпендыяльную праграму для беларускіх актывістаў_ак, журналістаў_ак і праваабаронцаў. Адабраныя стыпендыянты_кі змогуць рэалізаваць свой уласны праект альбо пройдуць стажыроўку ў профільнай арганізацыі цягам 3 месяцаў.
Праграма «Грамадзянская супольнасць для развіцця Беларусі» абвяшчае конкурс на падтрымку праектаў
24 August 2023, 1:26 PM
Праграма «Грамадзянская супольнасць для развіцця Беларусі» абвяшчае конкурс на падтрымку праектаў
Праграма «Грамадзянская супольнасць для развіцця Беларусі» аднаўляе конкурс на падтрымку праектаў беларускіх арганізацый грамадзянскай супольнасці.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці