Камітэт абароны журналістаў выступіў з заявай супраць паправак у закон аб СМІ ў Беларусі

10 July 2023, 1:01 PM
Камітэт абароны журналістаў выступіў з заявай супраць паправак у закон аб СМІ ў Беларусі

У адказ на падпісаньне Аляксандрам Лукашэнкам 1 ліпеня, закона, які ўзмацняе кантроль над СМІ, Камітэт абароны журналістаў выступіў з наступнай заявай:

«Новы закон аб СМІ ў Беларусі пераводзіць даўнюю адвольную практыку падаўлення іншадумства і незалежнай журналістыкі ў прававую плоскасць», - заявіў Карлас Марцінес дэ ла Серна, праграмны дырэктар праграмы Камітэта абароны журналістаў у Нью-Йорку. «Улады мусяць скасаваць гэты закон и не прымаць законы, якія яшчэ больш абмяжоўваюць свабоду прэсы і ізалююць Беларусь ад астатняга свету, і дазволіць СМІ працаваць свабодна».

Згодна з заявай, апублікаванай на сайце адміністрацыі прэзідэнта, папраўкі да закона аб СМІ «накіраваныя на ўдасканаленне механізмаў абароны нацыянальных інтарэсаў у сферы СМІ, а таксама на пашырэнне інструментаў рэагавання на несяброўскія дзеянні ў адносінах да Беларусі».

Савет Рэспублікі, верхняя палата парламента, прыняў папраўкі 14 чэрвеня пасля таго, як 31 траўня іх прыняла ніжняя палата. Тэкст закона быў апублікаваны 6 ліпеня і набудзе моц праз тры месяцы.

Новы закон дазваляе Міністэрству інфармацыі забараняць дзейнасць замежных СМІ ў Беларусі «ў выпадку несяброўскіх дзеянняў замежных дзяржаваў у адносінах да беларускіх СМІ», напрыклад, забароны беларускага СМІ за мяжой. Забарона можа ўключаць забарону на распаўсюд СМІ, блакіраванне яго дзейнасці, ануляванне акрэдытацыі журналістаў, забарону на адкрыццё прадстаўніцтваў на тэрыторыі Беларусі.

Закон таксама пашырае падставы для блакіроўкі замежных і мясцовых навінавых сайтаў і навінавых агрэгатараў, надзяляе органы ўлады правам ануляваць рэгістрацыю СМІ, калі яго заснавальнік або юрыдычная асоба маюць дачыненне да дзейнасці, прызнанай «экстрэмісцкай» ці «тэрарыстычнай».

«Гэтыя папраўкі носяць у асноўным тэхнічны характар. Яны ўводзяць у закон тое, што ўжо шырока практыкуецца беларускімі ўладамі», - паведаміў Камітэту абароны журналістаў Барыс Гарэцкі, намеснік кіраўніка Беларускай асацыяцыі журналістаў, забароненай праваабарончай арганізацыі. Ён дадаў, што беларускія ўлады ўжо блакіравалі сайты без рашэння суда.

«На практыцы [замежныя СМІ] ужо не могуць працаваць, яны не атрымліваюць акрэдытацыі, а шэраг [замежных] СМІ прызнаны экстрэмісцкімі фарміраваннямі», - сказаў Гарэцкі.

Арыгінал заявы на сайце Камітэта абароны журналістаў (на ангельскай мове)

Пераклад на беларускую мову: БДПЧ

See more news

Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
15 February 2024, 4:44 PM
Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
"Вясна" распавядае пра вынікі пераследу беларусаў за прадукты для сем'яў палітзняволеных.
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
15 February 2024, 4:41 PM
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
“Пакаранне ў зняволенні: інструмент выпраўлення ці знявагі? Міжнароднае і нацыянальнае права і практыка” – канферэнцыю на гэтую тэму праводзіць 20 лютага ў Вільні праваабарончая ўстанова “Лекары за праўду і справядлівасць”.
«Не будзе АБСЕ, ну дык што?» Хто будзе назіраць за выбарамі* ад місіі СНД
15 February 2024, 4:33 PM
«Не будзе АБСЕ, ну дык што?» Хто будзе назіраць за выбарамі* ад місіі СНД
Ужо на наступным тыдні пройдзе адзіны дзень галасавання, падчас якога прапануюць выбраць дэпутатаў у парламент і мясцовыя саветы.
Аналітычны агляд БХК. «Для парушэнняў правоў чалавека ствараецца законная рамка»
15 February 2024, 4:25 PM
Аналітычны агляд БХК. «Для парушэнняў правоў чалавека ствараецца законная рамка»
Беларускі Хельсінкскі Камітэт падрыхтаваў агляд найбольш значных зменаў у беларускай дзяржаўнай палітыцы ў галіне правоў чалавека і рэакцыях на яе з боку міжнароднай супольнасці. Аналітыка дапамагае лепш зразумець трэнды ў галіне правоў чалавека, дае магчымасць адсочваць сістэмныя і якасныя змены сітуацыі, пашырыць правачалавечны фокус аналітыкі ў сумежных галінах.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці