Libereco: "Заходнія санкцыі павінны распаўсюдзіцца і на Беларусь!"

08 March 2022, 12:02 PM
Libereco: "Заходнія санкцыі павінны распаўсюдзіцца і на Беларусь!"

Санкцыі, накладзеныя на Расею з-за вайны ва Украіне, павінны быць у поўным памеры распаўсюджаныя і на Беларусь. З такой заявай выступіла нямецка-швайцарская праваабарончая арганізацыя "Libereco — Партнёрства за правы чалавека".

Беларусь павінна ўключацца ва ўсе бягучыя санкцыі Захаду ў дачыненні да Расеі. Гэта адзіны спосаб ліквідаваць падставы для ваенна-палітычнага пакта паміж дзвюма краінамі і не дапусціць ператварэння Беларусі ў санкцыйную шчыліну для Крамля.

Акрамя таго, Расея напала на Украіну з боку Беларусі і выкарыстоўвае беларускую тэрыторыю як раён разгортвання сваіх сіл, тым самым атачаючы Украіну з усходу і поўначы. Па дадзеных амерыканскай выведкі, ужо сёння беларускія войскі могуць быць таксама накіраваны ва Украіну. Больш таго, Расія на працягу многіх гадоў абыходзіла санкцыі Еўрапейскага Саюза, ЗША і іншых заходніх дзяржаваў праз Беларусь.

У выніку праведзенага ў нядзелю "канстытуцыйнага рэферэндуму" і чаканага адабрэння ў 65% беларускі дыктатар Лукашэнка дамогся неабмежаванага падаўжэння тэрміну свайго кіравання. На рэферэндуме таксама было ўхваленае пастаяннае размяшчэнне расейскай ядзернай зброі і войскаў у Беларусі. Беларуская апазіцыя, а таксама незалежныя назіральнікі крытыкуюць рэферэндум як недэмакратычны, бо свабоднае галасаванне было немагчыма, а таямніца галасавання была парушаная на падставе процідзеяння пандэміі.

Марка Фібер, старшыня праўлення Libereco ў Германіі, заяўляе:

"Лукашэнка хоча выглядаць пасярэднікам і арганізатарам перамоваў у расейска-ўкраінскай вайне. На самай жа справе ён верны памагаты і ваенны партнёр Уладзіміра Пуціна. Толькі так ён можа ўтрымацца ва ўладзе. Таму заходнія санкцыі павінны ўдарыць па ім і яго злачыннаму рэжыму так жа моцна, як і па Расіі. Мы ўжо шмат гадоў патрабуем, каб Беларусь была выключаная з сістэмы SWIFT. За свой удзел у расійскай агрэсіўнай вайне рэжым Лукашэнкі павінен нарэшце цалкам пазбавіцца доступу да заходніх фондаў".

Паводле паведамленняў беларускага Праваабарончага цэнтра "Вясна", больш за 500 чалавек былі арыштаваныя ў выходныя за ўдзел у акцыях пратэсту супраць рэферэндуму і супраць вайны. У той жа час у Беларусі ў турмах знаходзяцца больш за 1000 палітвязняў, асуджаных да тэрмінаў зняволення да 20 гадоў.

Ларс Бюнгер, прэзідэнт Libereco ў Швейцарыі, патрабуе:

"Усе палітвязні павінны быць вызваленыя неадкладна і безумоўна. Праведзены рэферэндум з самага пачатку быў фарсам і маніпуляцыяй. Няпраўда, што людзі былі прыцягнутыя да яго падрыхтоўкі, як няпраўда і тое, што вялікая колькасць іх прагаласавала. З моманту фальсіфікацыі прэзідэнцкіх выбараў у жніўні 2020 года супраць Лукашэнкі выступае пераважная большасць насельніцтва. Ён можа захаваць сваю ўладу толькі з дапамогай сілы, рэпрэсій і пры падтрымцы Пуціна. Захад павінен адказаць на штодзённы тэрор Лукашэнкі узмацненнем жорсткасці санкцый, ужо уведзеных супраць Беларусі".

Пераклад на беларускую мову: ПЦ "Вясна"

See more news

Працоўная група ААН прызнала парушэнні правоў палітзняволенага адваката Віталя Брагінца
24 January 2024, 5:56 PM
Працоўная група ААН прызнала парушэнні правоў палітзняволенага адваката Віталя Брагінца
Працоўная група ААН па адвольных затрыманнях разгледзела справу Віталя Брагінца і прыйшла да высновы, што Беларусь парушыла яго правы.
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
20 January 2024, 4:08 PM
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
Камітэт ААН па правах чалавека прыняў рашэнне па "справе аб экстрэмізме" супраць гамельчука Паўла Катаржэўскага. У 2017 годзе хлопца асудзілі за рэпост "Вконтакте" з групы "Революционное действие".
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
20 January 2024, 3:35 PM
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
Камітэт ААН па правах чалавека даслаў праваабаронцу Леаніду Судаленка рашэнне (№2929/2017) наконт скаргі аб сістэматычных парушэннях недатыкальнасці яго прыватнага жыцця, гарантаванага артыкулам 17 Міжнароднага пакту аб грамадзянскіх ды палітычных правах.
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
20 January 2024, 3:25 PM
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
Суд Івацэвіцкага раёна 15 студзеня пастанавіў замяніць палітвязню Рыгору Кастусёву, асуджанаму да 10 гадоў калоніі, рэжым утрымання на турэмны.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці