Літва вітае БАЖ з Міжнароднай прэміяй ЮНЭСКА імя Гільерма Кано за свабоду прэсы

03 May 2022, 8:05 AM
Літва вітае БАЖ з Міжнароднай прэміяй ЮНЭСКА імя Гільерма Кано за свабоду прэсы

Напярэдадні Міжнароднага дня свабоды прэсы – 3 мая – ЮНЭСКА  аб'явіла лаўрэата прэстыжнай прэміі імя Гільерма Кано за ўнёсак у справу свабоды прэсы, піша Міністэрства замежных справаў Літвы. Лаўрэатам стала Беларуская асацыяцыя журналістаў.

 «Літва намінавала Беларускую асацыяцыю журналістаў на гэтую важную ўзнагароду ЮНЭСКА і ў мінулым годзе, таму прыемна, што намаганні па зборы вялікай групы аднадумцаў і вылучэнні сумеснай намінацыі сёлета аказаліся плённымі. Ва ўмовах рэпрэсій Беларуская асацыяцыя журналістаў змагаецца за свабоду слова беларускіх журналістаў, якая сёння чуваць ва ўсім свеце», - заявіла пастаянны прадстаўнік Літвы ў ЮНЭСКА, амбасадар Ёланта Бальчунене.

 Сумесная намінацыя, прадстаўленая пастаяннымі прадстаўніцтвамі Літвы, Польшчы, Чэхіі, Францыі і Германіі пры ЮНЭСКА, была падпісана 46 краінамі, уключаючы ўсе краіны Еўрапейскага Саюза, а таксама Аўстралію, Албанію, Андору, Вялікабрытанію, Гану, Дамініканскую Рэспубліку, Ісландыю, Канаду, Калумб. Новую Зеландыю, Нарвегію, Панаму, Сакартуэла, Паўночную Македонію, Украіну, Чарнагорыю, Швейцарыю, Паўднёвую Карэю і Японію.

 Беларуская асацыяцыя журналістаў таксама была намінавана Міжнароднай федэрацыяй журналістаў, Еўрапейскай федэрацыяй журналістаў, арганізацыяй "Рэпарцёры без межаў", Камітэтам па абароне журналістаў, Саюзам журналістаў Літвы і іншымі міжнароднымі і нацыянальнымі арганізацыямі, якія аб'ядноўваюць журналістаў.

 Заснаваная ў 1997 годзе Міжнародная прэмія ЮНЕСКА імя Гільерма Кано за ўклад у справу свабоды прэсы штогод прысуджаецца журналістам і іх арганізацыям, якія актыўна і нават з вялікай рызыкай, змагаюцца за свабоду прэсы.

 У якасці сябра Выканаўчай рады ЮНЭСКА Літва імкнецца ўмацоўваць праваабарончую дзейнасць ЮНЭСКА і выконваць мандат гэтай міжнароднай арганізацыі ў галіне камунікацыі і інфармацыі, барацьбы з дэзінфармацыяй, свабоды выказвання меркаванняў і бяспекі журналістаў.

Арыгінал артыкула на сайце Міністэрства замежных справаў Літвы

See more news

Беларускі Хельсінкскі Камітэт выступіў на 55-й сесіі Рады па правах чалавека
27 March 2024, 9:12 AM
Беларускі Хельсінкскі Камітэт выступіў на 55-й сесіі Рады па правах чалавека
Фокус міжнароднай адвакацыі – вызваленне палітычных зняволеных і прарыў рэжыму incommunicado, стварэнне незалежнага механізму падсправаздачнасці для прасоўвання расследавання з боку УВКПЧ сітуацыі ў Беларусі і працяг мандата Спецыяльнага дакладчыка па Беларусі.
Доклад УВКПЧ: содержание в состоянии инкоммуникадо может быть приравнено к насильственному исчезновению
23 March 2024, 2:53 PM
Доклад УВКПЧ: содержание в состоянии инкоммуникадо может быть приравнено к насильственному исчезновению
Вышла неотредактированная версия Доклада Верховного комиссара ООН по правам человека «Ситуация с правами человека в Беларуси в преддверии президентских выборов 2020 года и после них». Комментирует проект «Право на защиту».
Доклад по Беларуси обсудили на сессии Совета по правам человека. Беларусь: политических заключенных в стране нет
23 March 2024, 2:42 PM
Доклад по Беларуси обсудили на сессии Совета по правам человека. Беларусь: политических заключенных в стране нет
20 марта 2024 года прошло 36-ое заседание 55ой очередной сессии Совета по правам человека. О нем рассказывает проект «Право на защиту».

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці