Мішэль Бачэлет пра атаку на праваабаронцаў 15 ліпеня: «Такіх рэпрэсій не павінна быць»
)
Жэнева, 15 ліпеня 2021 года
Вярхоўны камісар ААН па правах чалавека Мішэль Бачэлет пракаментавала падзеі апошніх дзён у Беларусі.
"Я глыбока занепакоеная апошнімі падзеямі ў Беларусі, дзе ў сераду сілавікі правялі дзясяткі рэйдаў у офісах і дамах праваабаронцаў і журналістаў, і, як паведамляецца, шэраг людзей былі затрыманыя.
Такіх рэпрэсій не павінна быць увогуле.
Падзеі, якія адбыліся ў сераду, яшчэ раз падкрэсліваюць абуральнае ігнараванне беларускімі ўладамі сваіх абавязацельстваў па міжнародным праве ў галіне правоў чалавека.
Я неаднаразова папярэджвала пра пагаршэнне сітуацыі ў Беларусі і яшчэ раз заклікаю ўрад спыніць сваю палітыку запалохвання і пераследу грамадзянскай супольнасці і работнікаў СМІ. Тыя, хто ўсё яшчэ знаходзіцца ў зняволенні, павінны быць неадкладна вызваленыя", - падрэсліла Мішэль Бачэлет.
See more news
)
)
)
)
)
Атрымаць падтрымку
