«Міжнародная Амністыя» пра расстрэльныя праўкі: «Жахлівы сігнал узмацнення рэпрэсій»

24 May 2022, 7:57 AM
«Міжнародная Амністыя» пра расстрэльныя праўкі: «Жахлівы сігнал узмацнення рэпрэсій»

Amnesty International асудзіла новаўвядзенні ў Крымінальны кодэкс Беларусі, што пашырылі спіс злачынстваў, за якія можа прызначацца смяротнае пакаранне.

Каментуючы прыняцце ўладамі Беларусі новага закона, які ўводзіць смяротнае пакаранне за «замах на здзяйсненне акту тэрарызму», Мары Стразерс, дырэктарка Amnesty International па Усходняй Еўропе і Цэнтральнай Азіі, заявіла:

«Беларусь — адзіная дзяржава ў Еўропе і Цэнтральнай Азіі, дзе дагэтуль ужываецца смяротнае пакаранне — вельмі жорсткая, бесчалавечная і прыніжальная годнасць мера пакарання. Новы закон, які супярэчыць міжнародным абавязальніцтвам Беларусі, пашырае ўжыванне гэтага жорсткага і бесчалавечнага пакарання на дзеянні, што не кваліфікуюцца як наўмыснае забойства, і з'яўляецца апошняй праявай глыбокага грэбавання беларускімі ўладамі правамі чалавека.

Гэта асабліва трывожна, улічваючы, што беларускія ўлады выкарыстоўваюць небяспечна расплывістае вызначэнне «тэрарызму», а абвінавачванні, звязаныя з тэрарызмам, выкарыстоўваюць дзеля пераследу палітычнага іншадумства. Улады сістэматычна прыраўноўваюць мірныя пратэсты і рэалізацыю права на свабоду слова да гвалтоўных злачынстваў, і гэты закон з'яўляецца жахлівым сігналам узмацнення рэпрэсій і падвышэння ставак для крытыкаў рэжыму ў літаральным сэнсе да новай смяротнай вышыні».

Яна таксама дадала:

«Ва ўмовах удушліва-рэпрэсіўнага палітычнага клімату ў Беларусі апаненты ўрада зараз непасрэдна сутыкаюцца з перспектывай быць расстралянымі, калі адважацца выказацца. Мы заклікаем Беларусь раз і назаўжды адмовіцца ад гэтага жорсткага, бесчалавечнага і прыніжальнага годнасць пакарання і спыніць ганебную кампанію пераследу палітычных апанентаў і праваабаронцаў».

Аляксандр Лукашэнка 18 траўня падпісаў новы закон, які ўводзіць смяротнае пакаранне за «замах на здзяйсненне акту тэрарызму». Закон набудзе моц праз 10 дзён пасля апублікавання.

У красавіку беларускі парламент прыняў законапраект, які пашырае ўжыванне смяротнага пакарання. Мяркуецца, што гэты крок стаў адказам на нядаўнія выпадкі сабатажу на чыгунцы краіны. Яны нібы былі здзейсненыя праціўнікамі расійскага ўварвання ва Украіну, каб перашкодзіць расійскім сілам, дыслакаваным у Беларусі, перасякаць мяжу.

Паводле звестак праваабарончага цэнтра «Вясна», абвінавачванні ў «замаху на тэрарызм» ужо выстаўленыя дзясяткам палітычных актывістаў. Сярод іх — Святлана Ціханоўская, лідарка беларускай апазіцыі і галоўная суперніца Аляксандра Лукашэнкі на шырока аспрэчваных прэзідэнцкіх выбарах 2020 года, якая знаходзіцца ў выгнанні.

Смяротнае пакаранне звычайна ўжываецца ў Беларусі за забойства пры абцяжарвальных акалічнасцях, але таксама з'яўляецца магчымым пакараннем за здзяйсненне тэрарыстычных актаў, якія пацягнулі смерць людзей.

Пераклад на беларускую мову: ПЦ "Вясна"

See more news

Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
15 February 2024, 4:44 PM
Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
"Вясна" распавядае пра вынікі пераследу беларусаў за прадукты для сем'яў палітзняволеных.
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
15 February 2024, 4:41 PM
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
“Пакаранне ў зняволенні: інструмент выпраўлення ці знявагі? Міжнароднае і нацыянальнае права і практыка” – канферэнцыю на гэтую тэму праводзіць 20 лютага ў Вільні праваабарончая ўстанова “Лекары за праўду і справядлівасць”.
«Не будзе АБСЕ, ну дык што?» Хто будзе назіраць за выбарамі* ад місіі СНД
15 February 2024, 4:33 PM
«Не будзе АБСЕ, ну дык што?» Хто будзе назіраць за выбарамі* ад місіі СНД
Ужо на наступным тыдні пройдзе адзіны дзень галасавання, падчас якога прапануюць выбраць дэпутатаў у парламент і мясцовыя саветы.
Аналітычны агляд БХК. «Для парушэнняў правоў чалавека ствараецца законная рамка»
15 February 2024, 4:25 PM
Аналітычны агляд БХК. «Для парушэнняў правоў чалавека ствараецца законная рамка»
Беларускі Хельсінкскі Камітэт падрыхтаваў агляд найбольш значных зменаў у беларускай дзяржаўнай палітыцы ў галіне правоў чалавека і рэакцыях на яе з боку міжнароднай супольнасці. Аналітыка дапамагае лепш зразумець трэнды ў галіне правоў чалавека, дае магчымасць адсочваць сістэмныя і якасныя змены сітуацыі, пашырыць правачалавечны фокус аналітыкі ў сумежных галінах.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці