«Мы не забудземся на імёны чыноўнікаў і суддзяў, якія рэпрэсуюць нашых калег»

Суд у Мінску выракаваў журналіста-расследавальніка Сяргея Сацука да васьмі гадоў пазбаўлення волі. Еўрапейская федэрацыя журналістаў (ЕФЖ) і яе сяброўская арганізацыя Беларуская асацыяцыя журналістаў (БАЖ) асуджаюць гэты незаконны вырак і патрабуюць неадкладнага вызвалення Сяргея Сацука.

Суддзя Святлана Бандарэнка вынесла прысуд Сяргею Сацуку, рэдактару навіннага сайта «Штодзённік», звінаваціўшы яго ў «распальванні нянавісці», «службовай неадпаведнасці» і  «атрыманні хабару».

58-гадовы журналіст быў затрыманы ў снежні 2021 года пасля ператрусу ў ягоным доме і офісе.

Калегі Сацука кажуць, што яго караюць за расследаванне карупцыйных скандалаў, якія ўзрушылі беларускую сістэму аховы здароўя, а таксама за публікацыю матэрыялаў аб фальсіфікацыі выпадкаў захворвання на Кавід. Калі пандэмія Кавіда-19 уразіла Беларусь, Лукашэнка змяншаў небяспеку віруса і сцвярджаў, што яго не існуе.

«Беларуская асацыяцыя журналістаў мяркуе, што следчыя і суд адвольна пераследавалі Сацука ў адплату за яго гучныя расследаванні», - заявіла БАЖ на сваім сайце.

«Выракі журналістам у Беларусі па надуманых падставах абсалютна незаконныя, неабгрунтаваныя і накіраваныя толькі на запалохванне працаўнікоў СМІ і незалежных галасоў», - заявіла прэзідэнт EFJ Мая Север. «Мы не забудземся на імёны чыноўнікаў і суддзяў, якія рэпрэсуюць нашых калег».

Праваабарончая арганізацыя «Вясна», заснавальнік якой сёлета стаў адным з лаўрэатаў Нобелеўскай прэміі міру, прызнала Сацука палітычным зняволеным. Паводле яе звестак, цяпер у Беларусі 1344 палітычныя зняволеныя.

Арыгінал звароту Еўрапейскай федэрацыі журналістаў (на ангельскай мове)

Пераклад на беларускую мову: БДПЧ