Новы набор на стажыроўкі для беларускіх грамадскіх актывістаў_ак (дэдлайн — 15 чэрвеня)

29 May 2023, 10:19 AM
Новы набор на стажыроўкі для беларускіх грамадскіх актывістаў_ак (дэдлайн — 15 чэрвеня)

Беларускі дом правоў чалавека імя Барыса Звозскага і Беларускі нацыянальны моладзевы савет “РАДА” запрашаюць на праграму стажыровак для беларускіх актывістаў_ак.

Што: прафесійны абмен для беларускіх грамадскіх актывістаў_ак

Дзе: Літва, Польша, Грузія

Калі: 1 жніўня 2023 – 30 кастрычніка 2023

Хто можа падавацца: актывісты_кі беларускіх арганізацый грамадзянскай супольнасці ў Беларусі і з-за мяжы. Заяўка падаецца ад імя вашай арганізацыі.

Дэдлайн падачы заявак: 15 чэрвеня 2023 г.

Пра праграму

Стажыроўкі накіраваныя на вывучэнне паспяховых практык арганізацый у сферах, сумежных з вашай, і пераасэнсаванне беларускімі актывістамі_камі сваёй дзейнасці.

У якасці прымаючай арганізацыі можна разглядаць замежныя арганізацыі грамадзянскай супольнасці, якія дзейнічаюць у той жа сферы, што і ваша арганізацыя, і беларускія перамешчаныя/часткова перамешчаныя арганізацыі. 

Вам неабходна атрымаць згоду ад прымаючай арганізацыі і пасля запоўніць форму на ўдзел у праграме. 

Стажыроўкі пройдуць у Літве, Польшчы і Грузіі (магчымы і іншыя краіны пры дадатковым абгрунтаванні).

Ад кожнай арганізацыі ў стажыроўцы прымаюць удзел 2 чалавекі (1 з Беларусі і 1 рэлакаваны/ая, аднак у некаторых выпадках магчымыя выключэнні). 

Стажыроўка разлічаная на 20 дзён. Пры патрэбе магчымыя сумяшчэнні анлайн і афлайн фарматаў праходжання стажыроўкі.

Размеркаванне часу і вызначэнне фармату праходжання стажыроўкі (цалкам вочнае або часткова дыстанцыйнае) вызначаецца арганізацыяй, якая прымае стажораў_ак.

Якія выдаткі пакрывае праграма

Для ўдзельнікаў_ніц праграма кампенсуе расходы на транспарт, пражыванне, харчаванне, сувязь, страхоўку, тэсты на COVID і выдаткі на вакцынацыю (пры неабходнасці), мясцовы транспарт. 

Што чакаецца ад арганізацыі, якая прымае стажораў_ак?

Мы чакаем, што прымаючая арганізацыя:

  • абмяркуе і ўхваліць план удзельніка_цы праграмы і будзе спрыяць яго рэалізацыі;

  • пры неабходнасці прадаставіць запрашэнне і іншыя дакументы для кандыдата_кі;

  • прадаставіць асабістае настаўніцтва і працоўную прастору;

  • падзеліцца ведамі і досведам.

Каляндар праграмы:

  • дэдлайн падачы заявак: 15 чэрвеня 2023 г.;

  • да 10 ліпеня ўсе заяўнікі_цы атрымаюць адказы; 

  • найранейшы час пачатку стажыровак: 1 жніўня 2023 г.;

  • стажыроўкі павінны быць скончаныя не пазней за 30 кастрычніка 2023 г.;

  • працягласць кожнай стажыроўкі: не больш за 20 дзён.

Як падацца

  • дамаўляецеся з арганізацыяй самастойна;

  • запаўняеце анлайн-заяўку;

  • чакаеце вынікаў адбору.

Якія заяўкі атрымаюць падтрымку

Заяўнікі_цы павінны мець дакладнае ўяўленне аб тым, чаго яны хочуць дасягнуць у ходзе запланаванай стажыроўкі. Яны могуць прапанаваць у сферы зацікаўленасці сваёй арганізацыі, над якой будуць працаваць з прымаючай арганізацыяй.

See more news

Арганізацыйная падтрымка ад «РАДА»
27 October 2023, 11:06 AM
Арганізацыйная падтрымка ад «РАДА»
Праграма арганізацыйнай падтрымкі Беларускага нацыянальнага моладзевага савета «РАДА» прызначана для аказання кароткатэрміновай дапамогі прадстаўнікам_цам моладзевых арганізацый і ініцыятыў, актывістам_кам моладзевага сектара, якія пацярпелі ад палітычнага пераследу.
Стыпендыяльная праграма для журналістаў ад Free Belarus Center
25 September 2023, 8:23 AM
Стыпендыяльная праграма для журналістаў ад Free Belarus Center
Free Belarus Center запускае стыпендыяльную праграму для беларускіх актывістаў_ак, журналістаў_ак і праваабаронцаў. Адабраныя стыпендыянты_кі змогуць рэалізаваць свой уласны праект альбо пройдуць стажыроўку ў профільнай арганізацыі цягам 3 месяцаў.
Праграма «Грамадзянская супольнасць для развіцця Беларусі» абвяшчае конкурс на падтрымку праектаў
24 August 2023, 1:26 PM
Праграма «Грамадзянская супольнасць для развіцця Беларусі» абвяшчае конкурс на падтрымку праектаў
Праграма «Грамадзянская супольнасць для развіцця Беларусі» аднаўляе конкурс на падтрымку праектаў беларускіх арганізацый грамадзянскай супольнасці.
Базавая школа па правах чалавека і адвакацыі правоў моладзі: ідзе набор
10 July 2023, 9:56 AM
Базавая школа па правах чалавека і адвакацыі правоў моладзі: ідзе набор
Адукацыйна-асветніцкая ініцыятыва Беларуская Праваабарончая школа разам з Беларускім нацыянальным моладзевым саветам “РАДА” абвяшчаюць набор на Базавую школу па правах чалавека і адвакацыі правоў моладзі, якая адбудзецца ў афлайнавым фармаце ў Польшчы.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці