«Паляванне на ведзьмаў»: Камітэт абароны журналістаў асудзіў вялікія тэрміны зняволення журналістаў БелаПАН

10 October 2022, 8:22 AM
«Паляванне на ведзьмаў»: Камітэт абароны журналістаў асудзіў вялікія тэрміны зняволення журналістаў БелаПАН

Парыж, 6 кастрычніка 2022 г. – Беларускія ўлады павінны неадкладна вызваліць Андрэя Аляксандрава, Дзмітрыя Наважылава і Ірыну Леўшыну, трох былых і цяперашніх супрацоўнікаў незалежнага беларускага інфармацыйнага агенцтва БелаПАН, асуджаных на тэрміны зняволення ад 4 да 14 гадоў па розных абвінавачаннях. Пра гэта заявіла міжнародная праваабарончая арганізацыя «Камітэт абароны журналістаў» (CPJ).

Усе трое абвінавачанні адмаўляюць, а Леўшына і Наважылаў плануюць абскарджваць прысуд, паведаміла Камітэту абароны журналістаў былая карэспандэнтка БелаПАН Таня Каравянкова. Ці мае намер падаваць апеляцыю Андрэй Аляксандраў, CPJ не змог праверыць.

БелаПАН асвятляў агульнанацыянальныя акцыі пратэсту 2020 года з патрабаваннем адстаўкі прэзідэнта Аляксандра Лукашэнкі. 1 лістапада 2021 года Камітэт дзяржаўнай бяспекі Беларусі прызнаў БелаПАН экстрэмісцкай групоўкай.

«CPJ устрывожаны сённяшнім прысудам тром журналістам БелаПАН па палітычна матываванай справе і асуджае паляванне на ведзьмаў супраць вядучага незалежнага інфармацыйнага агенцтва краіны», — заявіла ў Нью-Ёрку Гульноза Саід, каардынатар праграм CPJ па Еўропе і Цэнтральнай Азіі. «Беларускія ўлады павінны неадкладна вызваліць Андрэя Аляксандрава, Дзмітрыя Наважылава, Ірыну Леўшыну і ўсіх іншых зняволеных прадстаўнікоў прэсы і даць магчымасць СМІ працаваць свабодна».

У чацвер, 6 кастрычніка, сталічны суд Мінска прызнаў заснавальніка і галоўнага рэдактара інфармацыйнага сайта «Беларускі журнал», былога намесніка дырэктара незалежнага інфармацыйнага агенцтва БелаПАН Андрэя Аляксандрава вінаватым у здрадзе дзяржаве, стварэнні экстрэмісцкай групоўкі, ва ўхіленні ад выплаты падаткаў і «арганізацыі або ўдзелу ў грубых парушэннях грамадскага парадку».

Суд прысудзіў яго да 14 гадоў пазбаўлення волі і аштрафаваў на 32 000 беларускіх рублёў (12 600 даляраў ЗША). Андрэй Аляксандраў знаходзіцца пад вартай з 12 студзеня 2021 года.

Былога дырэктара БелаПАН Дзмітрыя Наважылава прызналі вінаватым у стварэнні экстрэмісцкай групы і ўхіленні ад выплаты падаткаў у асабліва буйным памеры, асудзілі да 6 гадоў пазбаўлення волі і аштрафавалі на 22 400 беларускіх рублёў (8 820 долараў ЗША). Ён знаходзіцца пад вартай з 18 жніўня 2021 года.

Дырэктар і галоўны рэдактар ​​БелаПАН Ірына Леўшына прызнаная вінаватай у стварэнні экстрэмісцкай групоўкі і асуджаная да 4 гадоў пазбаўлення волі. Яе затрымалі 18 жніўня 2021 года.

Судовы працэс у закрытым рэжыме пачаўся 6 чэрвеня 2022 года і быў прыпынены на два месяцы ў чэрвені і амаль на два тыдні ў верасні, паведамляе Беларуская асацыяцыя журналістаў (БАЖ). З-за працэсуальнай таямніцы спагнанні, якія запытаў дзяржабвінаваўца, да вынясення прысуду не паведамляліся, паведамляе БАЖ.

На 1 снежня 2021 года, калі CPJ апублікаваў свой найноўшы спіс зняволеных журналістаў, Беларусь была пятай у свеце найгоршай краінай для журналістаў: прынамсі 19 журналістаў знаходзіліся ў кратах.

Арыгінал артыкула (на ангельскай мове) на сайце Камітэта абароны журналістаў

Пераклад на беларускую мову: БДПЧ

See more news

БДІПЧ АБСЕ шкадуе аб адсутнасці запрашэння назіраць за выбарамі ў Беларусі
22 February 2024, 6:57 PM
БДІПЧ АБСЕ шкадуе аб адсутнасці запрашэння назіраць за выбарамі ў Беларусі
Бюро па дэмакратычных інстытутах і правах чалавека АБСЕ 21 лютага выступіла з заявай з нагоды сітуацыі з правамі чалавека ў Беларусі.
Працоўная група ААН прызнала парушэнні правоў палітзняволенага адваката Віталя Брагінца
24 January 2024, 5:56 PM
Працоўная група ААН прызнала парушэнні правоў палітзняволенага адваката Віталя Брагінца
Працоўная група ААН па адвольных затрыманнях разгледзела справу Віталя Брагінца і прыйшла да высновы, што Беларусь парушыла яго правы.
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
20 January 2024, 4:08 PM
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
Камітэт ААН па правах чалавека прыняў рашэнне па "справе аб экстрэмізме" супраць гамельчука Паўла Катаржэўскага. У 2017 годзе хлопца асудзілі за рэпост "Вконтакте" з групы "Революционное действие".
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
20 January 2024, 3:35 PM
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
Камітэт ААН па правах чалавека даслаў праваабаронцу Леаніду Судаленка рашэнне (№2929/2017) наконт скаргі аб сістэматычных парушэннях недатыкальнасці яго прыватнага жыцця, гарантаванага артыкулам 17 Міжнароднага пакту аб грамадзянскіх ды палітычных правах.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці