«Пасля катаванняў я заўважыў, што Deep Freeze робіць сваю справу! Нават лепш, чым міліцыя»

23 December 2021, 11:51 AM
«Пасля катаванняў я заўважыў, што Deep Freeze робіць сваю справу! Нават лепш, чым міліцыя»

Сябры праваабарончай арганізацыі «Ліберэка» (Libereco) і актывісты беларускай дыяспары ў Вялікабрытаніі зладзілі пікет каля фабрыкі касметычнай кампаніі Mentholatum – выказаць пратэст супраць яе рэкламы на беларускім тэлебачанні.

Допіс пра пікет з’явіўся ў Твітары арганізацыі.

23 снежня сябры нямецка-швейцарскай праваабарончай арганізацыі «Ліберэка» і актывісты беларускай дыяспары ў Вялікабрытаніі выйшлі з пікетам да фабрыкі касметычнай кампаніі Mentholatum. Пратэстоўцы выказалі сваё абурэнне тым, што кампанія дае рэкламу на беларускім тэлебачанні – тым самым тэлебачанні, якое транслюе «пакаяльныя прызнанні» палітзняволеных, у тым ліку – і пасля катаванняў.

Актывісты зрабілі ўлёткі з выявай «прызнання» Міколы Дзядка, паказанага па дзяржаўных тэлеканалах. На відэа Дзядок відавочна моцна збіты.

Актывісты дадалі на ўлёткі «рэкламны» тэкст, якім Мікола нібыта рэкламуе адзін з тавараў кампаніі Mentholatum: «Пасля катаванняў я заўважыў, што Deep Freeze робіць сваю справу! Нават лепш, чым міліцыя».

(У арыгінале: «After I nave been tortured, I find Deep Freeze really hits the spot... In a better way then when the polise hit in»).

Праваабаронцы і прадстаўнікі дыяспары паклапаціліся, каб усе супрацоўнікі кампаніі ўбачылі ці асабіста атрымалі ўлёткі з партрэтам закатаванага Міколы Дзядка.

Праваабарончая арганізацыя «Ліберэка» заклікае ўсе кампаніі, якія яшчэ фінансуюць мову варожасці на беларускім тэлебачанні, неадкладна спыніць сваю рэкламу.

See more news

Працоўная група ААН прызнала парушэнні правоў палітзняволенага адваката Віталя Брагінца
24 January 2024, 5:56 PM
Працоўная група ААН прызнала парушэнні правоў палітзняволенага адваката Віталя Брагінца
Працоўная група ААН па адвольных затрыманнях разгледзела справу Віталя Брагінца і прыйшла да высновы, што Беларусь парушыла яго правы.
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
20 January 2024, 4:08 PM
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
Камітэт ААН па правах чалавека прыняў рашэнне па "справе аб экстрэмізме" супраць гамельчука Паўла Катаржэўскага. У 2017 годзе хлопца асудзілі за рэпост "Вконтакте" з групы "Революционное действие".
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
20 January 2024, 3:35 PM
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
Камітэт ААН па правах чалавека даслаў праваабаронцу Леаніду Судаленка рашэнне (№2929/2017) наконт скаргі аб сістэматычных парушэннях недатыкальнасці яго прыватнага жыцця, гарантаванага артыкулам 17 Міжнароднага пакту аб грамадзянскіх ды палітычных правах.
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
20 January 2024, 3:25 PM
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
Суд Івацэвіцкага раёна 15 студзеня пастанавіў замяніць палітвязню Рыгору Кастусёву, асуджанаму да 10 гадоў калоніі, рэжым утрымання на турэмны.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці