Праваабаронцы паведамілі Спецдакладчыкам ААН пра парушэнні правоў затрыманых па "Справе Зельцара"

17 November 2021, 12:18 PM
Праваабаронцы паведамілі Спецдакладчыкам ААН пра парушэнні правоў затрыманых па "Справе Зельцара"

Праваабаронцы“Вясны” ў інтарэсах затрыманых па “справе Зельцэра” звярнуліся да спецдакладчыкаў ААН па пытанні жорсткага і бесчалавечнага абыходжання з імі пасля затрымання і падчас утрымання ў Жодзінскай следчай турме №8.

28 верасня ў Мінску адбылася перастрэлка паміж супрацоўнікамі КДБ іАндрэем Зельцэрам, у кватэру да якога з ужываннем спецсродкаў ламіліся сілавікі. У выніку Зельцэр і адзін з КДБэшнікаў загінулі, што выклікала рэзананс у карыстальнікаў сацыяльных сетак. У наступныя дні прэс-служба КДБ паведаміла, што за каментары ў сацсетках пад публікацыямі пра загінулых было затрымана каля 200 чалавек, у дачыненні да іх былі ўзбуджаныя крымінальныя справы па арт. 130 і 369 Крымінальнага кодэкса. 6 кастрычніка праваабарончая супольнасць Беларусіпрызнала73 чалавекі з ліку затрыманых – палітзняволенымі.

Па інфармацыі ад родных, для затрыманых ні ў ІЧУ, ні ў следчай турме №8 не прымалі перадачы на працягу больш за 1,5 месяца. Акрамя таго, іх абмяжоўваюць у ліставанні, атрыманні пасылак і ў некаторых выпадках – сустрэчах з адвакатамі. Прычынай такіх абмежаванняў супрацоўнікі жодзінскай турмы называюць – каранцін па каранавірусу. Пры гэтым жорсткія абмежаванні тычыліся толькі затрыманых па “справе Зельцэра”, а ўмовы іх утрымання наўмысна пагаршаліся.

“Утрыманне пад вартай да суда павінна быць неабходным і абгрунтаваным. У дадзенай сітуацыі няма падстаў меркаваць што затрыманне каля 200 чалавекпа ўсёй краіне за каментарыў інтэрнэце такім з'яўляецца.

Ніхто не можа быць падвергнуты крымінальнаму пераследу за крытыку, уключаючы крытыку службовых асобаў, калі гэтая крытыка не накіравана на падбухторванне да гвалту.У дачыненні да як мінімум 73 затрыманых, якія былі прызнаныя палітычнымі зняволенымі, няма звестак аб тым, каб названыя асобы заклікалі да гвалтоўных дзеянняў па нацыянальных, этнічных, расавых, рэлігійных прыкметах. Характар дзеянняў абвінавачаных быў следствам шматлікіх і паўсюдных парушэнняў правоў чалавека, адсутнасці магчымасці свабоднага выказвання меркавання, недаверу да праваахоўнай сістэмы дзяржавы, выкліканага адсутнасцю расследавання злачынстваў у дачыненні да мірных пратэстоўцаў і іншых ахвяр жорсткага абыходжання і катаванняў, расчараваннем у здольнасці ўладаў выкарыстоўваць сілу закона для абароны парушаных правоў грамадзян”,– падкрэслівалі праваабаронцы.

4 лістапада яны накіравалі зварот да Спецдакладчыкаў ААН па сітуацыі з правамі чалавека ў БеларусіАнаіс Марэн, па пытанні аб катаваннях і іншых формах бесчалавечага і зневажальнага абыходжанняНілса Мелзэра, па пытанні аб заахвочванні і абароне права на свабоду меркаванняў і іх свабоднае выказваннеІрэн Хан, а таксама ў працоўную групу ААН па адвольных затрыманнях.

15 лістапада стала вядома, што ў жодзінскай турме знялі каранцін для затрыманых па “справе Зельцэра”. Пра гэта паведамілі сваякі затрыманых у чатах па ўзаемадапамозе. Паўтары месяцы зняволеныя сядзелі ў тым адзенні, у якім іх затрымалі, без сродкаў гігіены і цёплых рэчаў.

Артыкул з сайта "Вясны"

See more news

Працоўная група ААН прызнала парушэнні правоў палітзняволенага адваката Віталя Брагінца
24 January 2024, 5:56 PM
Працоўная група ААН прызнала парушэнні правоў палітзняволенага адваката Віталя Брагінца
Працоўная група ААН па адвольных затрыманнях разгледзела справу Віталя Брагінца і прыйшла да высновы, што Беларусь парушыла яго правы.
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
20 January 2024, 4:08 PM
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
Камітэт ААН па правах чалавека прыняў рашэнне па "справе аб экстрэмізме" супраць гамельчука Паўла Катаржэўскага. У 2017 годзе хлопца асудзілі за рэпост "Вконтакте" з групы "Революционное действие".
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
20 January 2024, 3:35 PM
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
Камітэт ААН па правах чалавека даслаў праваабаронцу Леаніду Судаленка рашэнне (№2929/2017) наконт скаргі аб сістэматычных парушэннях недатыкальнасці яго прыватнага жыцця, гарантаванага артыкулам 17 Міжнароднага пакту аб грамадзянскіх ды палітычных правах.
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
20 January 2024, 3:25 PM
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
Суд Івацэвіцкага раёна 15 студзеня пастанавіў замяніць палітвязню Рыгору Кастусёву, асуджанаму да 10 гадоў калоніі, рэжым утрымання на турэмны.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці