Press Conference of the UN Special Rapporteur: Discussing the Situation Ahead of Elections

БАЖ і Беларускі дом правоў чалавека імя Барыса Звозскава запрашаюць журналістаў і прадстаўнікоў праваабарончых і іншых грамадскіх арганізацыяў на прэс-канферэнцыю Спецыяльнага дакладчыка ААН аб сітуацыі з правамі чалавека ў Беларусі Нільса Муйжніекса, якая адбудзецца 23 студзеня 2025 года ў Вільні. Пачатак аб 11:00.

Сустрэча адбудзецца напярэдадні электаральных мерапрыемстваў у Беларусі, папярэднія вынікі якіх будуць абвешчаныя 26 студзеня. Меркавана, «абраным» на 7-ы тэрмін будзе названы Аляксандр Лукашэнка, які кіруе краінай больш за 30 гадоў.

Падчас прэс-канферэнцыі спецыяльны дакладчык Нільс Муйжніекс падзеліцца сваім поглядам на сітуацыю ў Беларусі і адкажа на пытанні ўдзельнікаў.

У мэтах бяспекі арганізатары просяць усіх удзельнікаў запоўніць форму акрэдытацыі, дзе можна пазначыць пажаданы фармат удзелу (анлайн або афлайн).

Працоўныя мовы канферэнцыі: англійская і беларуская з сінхронным перакладам.

Прэс-канферэнцыя ладзіцца з ініцыятывы беларускага праваабаронцы Леаніда Судаленкі пры падтрымцы Беларускага дома правоў чалавека і Беларускай асацыяцыі журналістаў.