Рыкарда Гуцьерэс: «Мы заклікаем міжнародную супольнасць не заплюшчваць вочы на жорсткія рэпрэсіі ў Беларусі»

03 January 2022, 9:10 AM
Рыкарда Гуцьерэс: «Мы заклікаем міжнародную супольнасць не заплюшчваць вочы на жорсткія рэпрэсіі ў Беларусі»

На фота : генеральны сакратар ЕФЖ Рыкарда Гуцьерэс

Еўрапейская федэрацыя журналістаў на падставе справаздачы Беларускай асацыяцыі журналістаў піша аб парушэннях свабоды слова ў Беларусі і заклікае далучыць Беларусь да механізма абароны журналістыкі, нягледзячы на тое, што Беларусь не ўваходзіць у Раду Еўропы:

 

32 журналісты правядуць навагоднюю ноч у турме ў Беларусі. Гэта адна з лічбаў штогадовага агляду рэпрэсій, які апублікавала Беларуская асацыяцыя журналістаў (БАЖ). Еўрапейская федэрацыя журналістаў (EFJ) заклікае міжнародную супольнасць, у тым ліку Раду Еўропы, прыняць меры.

У 2021 годзе ў Беларусі былі арыштаваныя 113 журналістаў толькі за тое, што выконвалі сваю працу. 32 па-ранейшаму пад вартай. У тым жа годзе ў 146 кватэрах і рэдакцыях журналістаў прайшлі ператрусы, 13 СМІ былі афіцыйна прызнаныя экстрэмісцкімі, а адзіная незалежная арганізацыя, якая прадстаўляе журналістаў, БАЖ, была ліквідаваная рэжымам беларускага дыктатара Аляксандра Лукашэнкі.

Пры падтрымцы філіялаў EFJ і іншых арганізацый БАЖ будзе працягваць і нават пашыраць сваю дзейнасць з-за мяжы.

«Мы яшчэ раз заклікаем міжнародную супольнасць не заплюшчваць вочы на жорсткія рэпрэсіі ў Беларусі», - заявіў генеральны сакратар ЕФЖ Рыкарда Гуцьерэс. «Як і 5 гадоў таму, мы заклікаем Раду Эўропы ўключыць Беларусь у Платформу абароны журналістыкі і бясьпекі журналістаў, каб даць поўную бачнасьць рэпрэсіям і затрымаць вінаватых. Мы павінны дзейнічаць зараз!»

 

Арыгінал артыкула на сайце Еўрапейскай федэрацыі журналістаў (на англійскай мове)

 

Платформа абароны і бяспекі журналістаў – гэта ўнікальны механізм, які ладзіць дыялог паміж урадамі і журналісцкімі арганізацыямі, каб спыніць парушэнні свабоды СМІ ў дзяржавах-сябрах Рады Еўропы; каб даць магчымасць журналістам працаваць без рызыкі для іх бяспекі.

Мэта платформы – лепш абараняць журналістаў, больш эфектыўна супрацьстаяць гвалту і пагрозам, ствараць у Радзе Еўропы прэвентыўныя механізмы абароны свабоды СМІ.

З 2015 года Платформа спрыяе збору і распаўсюду інфармацыі аб сур’ёзных пагрозах свабодзе СМІ і бяспекі журналістаў у дзяржавах-сябрах Рады Еўропы, як гэта гарантуе артыкул 10 Еўрапейскай канвенцыі аб правах чалавека.

Арганізацыі-ўдзельніцы Платформы – міжнародныя НДА і асацыяцыі журналістаў – публікуюць штогадовыя справаздачы аб сітуацыі са свабодай СМІ і бяспецы журналістаў у Еўропе. Платформа дазваляе Радзе Еўропы сістэматычна атрымліваць інфармацыю пра свабоду прэсы ў дзяржавах-сябрах і пры патрэбе дзейнічаць.

Share

See more news

Камітэт ААН па ліквідацыі дыскрымінацыі жанчын заклікаў Беларусь прыняць меры па абароне Вікторыі Кульшы
02 September 2025, 9:23 AM
Камітэт ААН па ліквідацыі дыскрымінацыі жанчын заклікаў Беларусь прыняць меры па абароне Вікторыі Кульшы
25 жніўня 2025 года Камітэт ААН па ліквідацыі дыскрымінацыі жанчын (КЛДЖ) зарэгістраваў скаргу на дыскрымінацыю Вікторыі Кульшы, паведамляе Respect-Protect-Fulfill.
Lawtrend: Доступ организаций гражданского общества в Беларуси к финансированию: законодательство и практика его применения
18 August 2025, 1:17 PM
Lawtrend: Доступ организаций гражданского общества в Беларуси к финансированию: законодательство и практика его применения
Презентация подготовлена на основе доклада, представленного Lawtrend в рамках 4-го цикла Универсального периодического обзора.
Эксперты ААН: Беларусь павінна спыніць жорсткае абыходжанне з трыма зняволенымі, асуджанымі па абвінавачваннях у тэрарызме і экстрэмізме
18 August 2025, 12:08 PM
Эксперты ААН: Беларусь павінна спыніць жорсткае абыходжанне з трыма зняволенымі, асуджанымі па абвінавачваннях у тэрарызме і экстрэмізме
У лісце, накіраваным беларускім уладам, эксперты выказалі занепакоенасць у сувязі з паведамленнямі аб жорсткім абыходжанні з трыма зняволенымі – дзвюма жанчынамі і адным мужчынам.
Пытки и дискриминация женщин в Беларуси: «Правовая инициатива» обратилась в CEDAW с требованием начать расследование
18 August 2025, 11:16 AM
Пытки и дискриминация женщин в Беларуси: «Правовая инициатива» обратилась в CEDAW с требованием начать расследование
Беларуская правозащитная организация «Правовая инициатива» направила в Комитет ООН по ликвидации дискриминации в отношении женщин (CEDAW) официальное обращение с требованием начать расследование в соответствии со статьей 8 Факультативного протокола к Конвенции.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці