«Што радуе і натхняе нас, дык гэта жалезная воля пісьменнікаў і ўдзельнікаў Беларускага ПЭНа»

На фота: Сюзан Носэль

Сюзана Носэль, генеральны дырэктар Амерыканскага ПЭН-цэнтра, пракаментавала навіну пра ліквідацыю беларускай арганізацыі ў штотыднёвай рубрыцы «Складаныя пытанні».

Кожную пятніцу Амерыканскі ПЭН-цэнтр абмяркоўвае складаныя пытанні аб свабодзе слова са сваім генеральным дырэктарам Сюзанай Носэль, аўтарам кнігі «Адвага прамаўляць: Абарона свабоды слова для ўсіх» у штотыднёвай рубрыцы «Складаныя пытанні». У гэтым выпуску аўтары размаўлялі з Сюзанай пра навіну аб прымусовым закрыцці Беларускага ПЭН-цэнтра – у той самы дзень, калі краіна адзначыла гадавіну фальсіфікаваных выбараў.

«Гэта вельмі трывожная навіна. Мы бачым, як аўтарытарызм пашыраецца па ўсім свеце, і на нашыя сяброўскія арганізацыі ў М’янме, Ганконгу, Афганістане вельмі моцна ціснуць. Сітуацыя ў Беларусі ў пэўным сэнсе ўнікальная для нас, бо Беларускі ПЭН-цэнтр стаў аб’ектам мэтанакіраваных дзеянняў і фактычна быў закрыты. Гэта сведчыць пра тое, што пісьменнікі маюць уплыў, такія, як Святлана Алексіевіч; гэта азначае, што ўлады палічылі літаратурную арганізацыю настолькі небяспечнай, што распачалі суд і запатрабавалі яе ліквідацыі… Што натхняе і радуе нас усіх, дык гэта бачыць жалезную волю пісьменнікаў і ўдзельнікаў Беларускага ПЭН-цэнтру. Няхай беларускі ўрад і абвясціў гэтую арганізацыю знішанай, у рэальнасці ўсё іначай».

Чытаць усю навіну цалкам (на англійскай мове).

Пераклад на беларускую мову: БДПЧ.