"Сітуацыя поўнай беспакаранасці ў Беларусі": даклад ААН аб парушэннях правоў чалавека

10 March 2022, 11:11 AM
"Сітуацыя поўнай беспакаранасці ў Беларусі": даклад ААН аб парушэннях правоў чалавека

Фота: Associated Press

У апублікаваным 9 сакавіка дакладзе ўпраўлення ААН па правах чалавека вядзецца аб тым, што ў  Беларусі працягваецца ціск урада на апанентаў, грамадзянскую супольнасць, журналістаў і адвакатаў, што прывяло да парушэння асноўных правоў чалавека дзясяткаў тысяч жыхароў і да неспрыяльных наступстваў у жыцці вялікай колькасці іншых людзей, пры тым, што няма ніякіх сведчанняў прыцягнення злачынцаў да адказнасці.

У дакладзе падрабязна выкладзеныя вынікі разгляду УВКПЧ пытання аб становішчы ў галіне правоў чалавека ў Беларусі па запыце Савета па правах чалавека ААН.

Агляд ахоплівае перыяд да выбараў 9 жніўня 2020 года і наступны перыяд да 31 снежня 2021 года. Ён грунтуецца на 145 апытаннях відавочцаў, а таксама на аналізе інфармацыі і доказаў з шырокага кола крыніц.

“Мяркуючы па сабраных падчас разгляду становішча паказанняў УВКПЧ, відавочна, што арышты ў асноўным праводзіліся выпадковым чынам, і што сілы бяспекі пераследавалі і ўціхамірвалі ўсіх, хто ім трапляўся. Акрамя таго, людзі без апазнавальных знакаў і ў масках удзельнічалі ў гвалтоўным разгоне пратэстаў, «ствараючы атмасферу страху і беззаконня», - гаворыцца ў дакладзе.

Шматразовыя выпадкі неабгрунтаванага і неадпаведнага прымянення сілы парушалі правы чалавека, уключаючы свабоду выказвання меркаванняў, сходаў і асацыяцый. Усяго ў перыяд з мая 2020 года па май 2021 года было арыштавана, па меншай меры, 37 000 чалавек, і многія з іх падвергліся адміністрацыйнаму затрыманню на тэрмін да 15 сутак. Сярод іх толькі ў перыяд з 9 па 14 жніўня каля 13 500 чалавек былі адвольна арыштаваныя і змешчаныя пад варту.

Інфармацыя, сабраная ў ходзе разгляду сітуацыі, паказвае на тое, што былі распаўсюджаныя і сістэматычна ўжываліся катаванні і неналежнае абыходжанне, і што ім падвяргаліся тыя, хто рэальна або меркавана быў настроены апазіцыйна да ўраду альбо быў не згодны з вынікамі выбараў.

Многія пацярпелыя баяліся падаваць скаргу, а пададзеныя скаргі былі адхіленыя. Да канца 2021 года 969 чалавек апынуліся ў турме па абвінавачваннях, якія па дадзеных УВКПЧ можна разумна лічыць палітычна матываванымі, і некалькі чалавек былі прысуджаныя да 10 гадоў пазбаўлення волі і больш.

Пасля выбараў ўрад працягнуў прыгнятаць тых, хто імкнецца карыстацца сваімі правамі. У верасні 2020 года ўлады пачалі высоўваць абвінавачванні супраць членаў апазіцыі, праваабаронцаў, журналістаў, адвакатаў і звычайных грамадзян, і гэтая тэндэнцыя захоўвалася на працягу ўсяго 2021 года.

Акрамя гэтага, урад унёс шмат паправак у заканадаўства, якія яшчэ больш абмежавалі асноўныя свабоды. Грамадзянская супольнасць і праваабарончыя арганізацыі, а таксама незалежныя СМІ працягваюць падвяргацца нападкам. Уключна да кастрычніка 2021 года 270 няўрадавых арганізацый былі зачыненыя, а да канца года 32 журналісты былі арыштаваныя і 13 СМІ абвешчаныя «экстрэмісцкімі».

У дакладзе таксама асобна паведамляецца пра пераслед адвакатаў і пазбаўлення іх ліцэнзій, пра адсутнасць эфектыўнага расследавання парушэнняў правоў чалавека.

"Маштабныя і паўтаральныя дзеянні ўладаў па падаўленні нязгодных і грамадзянскай супольнасці, незалежных СМІ і апазіцыйных груп, паказваюць на сітуацыю поўнай беспакаранасці ў Беларусі», – кажа Вярхоўны камісар ААН па правах чалавека Мішэль Бачэлет.

У дакладзе даюцца падрабязныя рэкамендацыі для Беларусі і іншых дзяржаў па забеспячэнні падсправаздачнасці з дапамогай даступных прававых працэдур за сур'ёзныя парушэнні нормаў міжнароднага права ў галіне правоў чалавека ў Беларусі.

Даклад ААН можна спампаваць на сайце ПЦ "Вясна"

See more news

«Ніхто не зразумее ўцекача лепш, чым іншы ўцякач»
14 August 2022, 3:36 PM
«Ніхто не зразумее ўцекача лепш, чым іншы ўцякач»
Сусветная арганізацыя супраць катаванняў (ОМСТ) узяла інтэрв'ю ў беларускага актывіста Арцёма Беляя, палітычнага ўцекача, які цяпер дапамагае ўцекачам з Украіны.
«Артыкул 19»: Беларусь праз два гады пасля фальсіфікацыі выбараў: мужнасць, стойкасць і непакорлівасць
09 August 2022, 12:47 PM
«Артыкул 19»: Беларусь праз два гады пасля фальсіфікацыі выбараў: мужнасць, стойкасць і непакорлівасць
У другую гадавіну пратэстаў праваабарончая арганізацыя «Артыкул 19» падтрымлівае мужны народ Беларусі, які працягвае ўпарта змагацца за дэмакратыю і свабоду, нягледзячы на бесперапынныя рэпрэсіі.
«Міліцыя забрала нават мой заручальны пярсцёнак»
09 August 2022, 10:05 AM
«Міліцыя забрала нават мой заручальны пярсцёнак»
Сусветная арганізацыя супраць катаванняў (ОМСТ) зрабіла вялікі матэрыял пра Змітра Хведарука, затрыманага і збітага за ўдзел ў пратэстах у 2020 годзе.
«Репортеры без границ»: Как выживают беларусские журналисты спустя два года после выборов
08 August 2022, 5:29 PM
«Репортеры без границ»: Как выживают беларусские журналисты спустя два года после выборов
Правозащитная организация «Репортеры без границ» сделала большой материал про то, как беларусским журналистам приходится менять методы работы, чтобы их голоса оставались слышны.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці