Спецдакладчык ААН прадставіла даклад аб становішчы правоў чалавека ў Беларусі

У рамках 75-й сесіі Генеральнай Асамблеі ААН спецдакладчык ААН па пытанні аб становішчы ў галіне правоў чалавека ў Беларусі Анаіс Марын асвятліла сітуацыю ў краіне да 15 чэрвеня.

Анаіс Марын выступіла ў адпаведнасці з парадкам дня "Захвочванне і абарона правоў чалавека: становішча ў галіне правоў чалавека і даклады спецыяльных дакладчыкаў і прадстаўнікоў".

Яна засяродзіла ўвагу на пытаннях адпраўлення правасуддзя, у прыватнасці, правасуддзя ў дачыненні да непаўналетніх, і судовага пераследу праваабаронцаў, журналістаў і іншых членаў грамадзянскай супольнасці ў Беларусі.

Цалкам даклад можна прачытаць (на рускай мове) на сайце ААН.

Таксама сёння, 27 кастрычніка 2020 году, пасля новых пратэстаў у Беларусі ў падтрымку абвешчанай апазіцыяй агульнанацыянальнай забастоўкі, Анаіс Марын заклікала афіцыйны Мінск спыніць "рэпрэсіі супраць уласнага народа". Яна нагадала пра затрыманні тысяч людзей на акцыях супраць Лукашэнкі,пішаРадыё Свабода.