Спецдакладчыкаў ААН праінфармавалі пра адвольнае затрыманне выдаўца Янушкевіча

08 June 2022, 12:02 PM
Спецдакладчыкаў ААН праінфармавалі пра адвольнае затрыманне выдаўца Янушкевіча

Юрысты “Вясны” сумесна з Беларускім ПЭН накіравалі зварот да Спецыяльных дакладчыкаў і ў Працоўныя групы ААН у сувязі з пераследам выдаўца і дырэктара крамы “Кнігаўка” Андрэя Янушкевіча.

Да спецдакладчыка па пытанні аб становішчы з правамі чалавека ў Беларусі Анаіс Марэн, спецдакладчыка ў галіне культурных правоў Аляксандры Ксантакі, спецдакладчыка па пытанні аб свабодзе меркаванняў і іх свабоднаму выказванню Ірэн Хан, а таксама Працоўнай групе па адвольных затрыманнях і Працоўнай групе па бізнэсе і правам чалавека было даведзена, што 16 траўня ў першы працоўны дзень у краму “Кнігаўка” спачатку прыйшлі прапагандысты з падкантрольных уладам тэлеканалаў, а адразу пасля іх – супрацоўнікі міліцыі, якія зладзілі ператрус, канфіскавалі 200 кніг, а ўладальніка крамы Андрэя Янушкевіча затрымалі.

Суд прызначыў Андрэю Янушкевічу спачатку 10 сутак адміністрацыйнага арышту. Аднак пасля іх адбыцця выдавец на волю не выйшаў, а быў перазатрыманы і асуджаны яшчэ на 10 сутак. Вядома, што трэці суд над Янушкевічам адбыўся 6 чэрвеня. Гэтым разам мужчыне прысудзілі восем сутак арышту.

Паводле праўладных тэлеграм-каналаў, Янушкевіч нібыта вёў перапіску з офісам Святланы Ціханоўскай, а супрацоўнікі выдавецтва “мелі дачыненне да рэдагавання некаторых дэструктыўных тэлеграм-каналаў”.

Праваабаронцы адзначаюць, што ціск на выдавецтва пачаўся яшчэ ў пачатку 2021 года, калі Янушкевіч быў затрыманы, у офісе канфіскаваная тэхніка і кнігі, а рахункі выдавецтва былі заблакаваныя на паўгода. У сакавіку бягучага года Янушкевіча змусілі тэрмінова з’ехаць з офіса.

Нагадаем, выдавецтва “Янушкевіч” займаецца падрыхтоўкай і выданнем разнастайнай кніжнай прадукцыі, у асноўным на беларускай мове. Кнігу Альгерда Бахарэвіча “Сабакі Эўропы”, якая выйшла ў выдавецтве ў 2021 годзе, 17 траўня прызналі экстрэмісцкай.

See more news

Міжнародны ПЭН патрабуе вызвалення Уладзіміра Мацкевіча
28 June 2022, 10:06 AM
Міжнародны ПЭН патрабуе вызвалення Уладзіміра Мацкевіча
«Уладзімір Мацкевіч вінаваты толькі ў тым, што мірна выказваў свае погляды. Яго лёс – гэта жорсткі напамін аб няспынных рэпрэсіях, якія зазнаюць іншадумцы ў Беларусі, дзе рэжым Лукашэнкі не спыніцца ні перад чым, каб здушыць любую крытыку».
"Пакласці канец атмасферы рэпрэсій і страху". Спецдакладчыца ААН падрыхтавала новы даклад па правах чалавека ў Беларусі
27 June 2022, 7:12 AM
"Пакласці канец атмасферы рэпрэсій і страху". Спецдакладчыца ААН падрыхтавала новы даклад па правах чалавека ў Беларусі
На сайце ААН апублікаваны даклад Спецыяльнага дакладчыка па пытанні аб становішчы у галіне правоў чалавека ў Беларусі Анаіс Марэн.
Международная организация труда (МОТ) ООН на заседании в Женеве обсудила ситуацию в Беларуси
20 June 2022, 12:32 PM
Международная организация труда (МОТ) ООН на заседании в Женеве обсудила ситуацию в Беларуси
Административный совет Международной организации труда (МОТ) на заседании в Женеве 14 июня обсудил ситуацию в Мьянме, Беларуси и Венесуэле. Кроме того, руководящий орган МОТ призвал Российскую Федерацию «немедленно и безоговорочно прекратить агрессию против Украины».
Спецдакладчыкі ААН звярнуліся да Беларусі з-за пашырэння сферы прымянення смяротнага пакарання
13 June 2022, 2:10 PM
Спецдакладчыкі ААН звярнуліся да Беларусі з-за пашырэння сферы прымянення смяротнага пакарання
Спецыяльныя дакладчыкі па пытанні аб пазасудовых смяротных пакараннях, смяротных пакараннях без належнага судовага разгляду ці адвольных смяротных пакараннях, па становішчы ў галіне правоў чалавека ў Беларусі і па пытанні аб заахвочванні і абароне правоў чалавека і асноўных свабод ва ўмовах барацьбы з тэрарызмам накіравалі паведамленне ўраду Беларусі.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці