Стажыроўкі для беларускіх грамадскіх актывістаў у Літве, Польшчы, Грузіі і іншых краінах: сакавік - чэрвень 2023 года

09 January 2023, 12:59 PM
Стажыроўкі для беларускіх грамадскіх актывістаў у Літве, Польшчы, Грузіі і іншых краінах: сакавік - чэрвень 2023 года

Беларускі дом правоў чалавека імя Барыса Звозскава запрашае на праграму стажыровак для беларускіх актывістаў_ак.

Што: прафесійны абмен для беларускіх грамадскіх актывістаў_ак

Дзе: Літва, Польша, Грузія.

Калі: 10 сакавіка 2023 — 30 чэрвеня 2023

Хто можа падавацца: актывісты_кі беларускіх арганізацый грамадзянскай супольнасці ў Беларусі і з-за мяжы

Дэдлайн падачы заявак: 31 студзеня 2023 г.

 

Пра праграму

Стажыроўкі накіраваныя на вывучэнне паспяховых практык арганізацый  у сферах сумежных з вашай і пераасэнсаванне беларускімі актывістамі_камі сваёй дзейнасці.

У якасці прымаючай арганізацыі можна разглядаць замежныя арганізацыі грамадзянскай супольнасці, якія дзейнічаюць у той жа сферы, што і ваша арганізацыя,  і беларускія перамешчаныя/часткова перамешчаныя арганізацыі.

Калі вы дакладна ведаеце, у якой арганізацыі хочаце прайсці стажыроўку – вам неабходна атрымаць ад іх згоду і пасля запоўніць форму на ўдзел у праграме.

Калі вы яшчэ не вызначыліся ці не ведаеце, у якой арганізацыі можна прайсці стажыроўку – вы можаце запоўніць нашу анкету без пазнакі арганізацыі, а мы дапаможам яе адшукаць.

Стажыроўкі пройдуць у Літве, Польшчы і Грузіі (магчымыя і іншыя краіны пры дадатковым абгрунтаванні).

Ад кожнай арганізацыі ў стажыроўцы бяруць удзел 2 чалавекі (1 з Беларусі і 1 рэлакаваны/ая, аднак у некаторых выпадках магчымыя выключэнні).

Стажыроўка разлічаная на 20 дзён. Пры патрэбе магчымыя сумяшчэнні анлайн і афлайн фарматаў праходжання стажыроўкі.

Размеркаванне часу і вызначэнне фармату праходжання стажыроўкі (цалкам вочнае або часткова дыстанцыйнае) вызначаецца арганізацыяй, якая прымае стажораў.

 

Якія выдаткі пакрывае праграма

Для ўдзельнікаў_ніц праграма кампенсуе расходы на транспарт, пражыванне, харчаванне, сувязь, страхоўку, тэсты на COVID і выдаткі на вакцынацыю (пры неабходнасці), мясцовы транспарт.

 

Што чакаецца ад арганізацыі, якая прымае стажораў_ак?

Мы чакаем, што прымаючая арганізацыя:

●  абмяркуе і ўхваліць план удзельніка_цы праграмы і будзе спрыяць яго рэалізацыі;

●  пры неабходнасці прадаставіць запрашэнне і іншыя дакументы для кандыдата_кі;

●  прадаставіць асабістае настаўніцтва і працоўную прастору;

●  падзеліцца ведамі і досведам.

 

Каляндар праграмы:

●  дэдлайн падачы заявак: 31 студзеня 2023 г.;

●  да 10 лютага ўсе заяўнікі_цы атрымаюць адказы;

●  найранейшы час пачатку стажыровак: 10 сакавіка 2023 г..;

●  стажыроўкі павінны быць скончаныя не пазней за 30 чэрвеня 2023 г..;

●  працягласць кожнай стажыроўкі: не больш за 20 дзён.

 

Як падацца

Калі вы ведаеце, у якой арганізацыі хочаце прайсці стажыроўку:

●  дамаўляецеся з арганізацыяй самастойна;

●  запаўняеце анлайн-заяўку;

●  чакаеце вынікаў адбору.

Калі вы не ведаеце, у якой арганізацыі хочаце прайсці стажыроўку ці не атрымалі згоды ад арганізацыі, з якой дамаўляліся:

●  запаўняеце анлайн-заяўку;

●  чакаеце вынікаў адбору.

Якія заяўкі атрымаюць падтрымку

Заяўнікі_цы павінны мець дакладнае ўяўленне аб тым, чаго яны хочуць дасягнуць у ходзе запланаванай стажыроўкі. Яны могуць прапанаваць у сферы зацікаўленасці сваёй арганізацыі, над якой будуць працаваць з прымаючай арганізацыяй.

 

Калі ў вас засталіся пытанні – пішыце на Stazhirouki.2022@gmail.com

See more news

Набор "Прававой ініцыятывы" на новы курс па правах чалавека
24 January 2023, 1:02 PM
Набор "Прававой ініцыятывы" на новы курс па правах чалавека
Праваабарончая арганізацыя «Прававая ініцыятыва» запрашае на курс па правах чалавека.
Конкурс праектных прапаноў: Гнуткая надзвычайная дапамога для арганізацыяў грамадзянскай супольнасці з Беларусі
13 January 2023, 10:27 AM
Конкурс праектных прапаноў: Гнуткая надзвычайная дапамога для арганізацыяў грамадзянскай супольнасці з Беларусі
Нідэрландскі Хельсінкскі камітэт прапануе гнуткія гранты для надзвычайнай падтрымкі праваабарончых арганізацый грамадзянскай супольнасці, якія пакідаюць ці ўжо пакінулі Беларусь. Мэта гэтых грантаў – забяспечыць магчымасць арганізацыям перамясціць сваіх супрацоўнікаў, перабудавацца і працягваць працу ў выгнанні.
Руководство для иностранных граждан по организации работы в Грузии
14 November 2022, 9:55 AM
Руководство для иностранных граждан по организации работы в Грузии
Руководство для иностранных граждан по организации работы в Грузии подготовили эксперты Института гражданского общества и Международного центра некоммерческого права. Вклад в работу над данным руководством внесла и правозащитная организация «Lawtrend».
Псіхалагічная і псіхіятрычная падтрымка для актывістаў
19 October 2022, 8:55 AM
Псіхалагічная і псіхіятрычная падтрымка для актывістаў
Беларуская нацыянальная платформа і Беларускі нацыянальны моладзевы савет «РАДА» разам з партнёрамі абвяшчае пра магчымасць псіхалагічнай і псіхіятрычнай падтрымкі для актывістаў грамадзянскай супольнасці.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці