Супрацоўнікі праваабарончага фонду Right Livelihood падтрымалі зняволеных вясноўцаў

21 March 2022, 8:29 AM
Супрацоўнікі праваабарончага фонду Right Livelihood падтрымалі зняволеных вясноўцаў

У адрасаванай Савету па правах чалавека ААН заяве фонду Right Livelihood звяртаецца ўвага на тое, што ва ўмовах пастаяннага абмежавання грамадзянскай прасторы актывістам грамадзянскай супольнасці шмат якіх краін пагражае турэмнае зняволенне.

Выступаючы на 49-й сесіі Савета па правах чалавека ў Жэневе, прадстаўнікі фонду падкрэслілі: у той час, як некаторыя краіны па ўсім свеце ўводзяць крымінальную адказнасць за праваабарончую дзейнасць і абмяжоўваюць асноўныя свабоды, прастора для грамадзянскай супольнасці звужаецца.

"Фонд Right Livelihood сур'ёзна занепакоены гэтай тэндэнцыяй, а асабліва выкарыстаннем адвольных затрыманняў у якасці метаду прыгнечання іншадумцаў і суровымі ўмовамі ўтрымання, з якімі часта сутыкаюцца зняволеныя актывісты", — сказана ў заяве.

Гэтая практыка закранула і лаўрэатаў прэміі "Right Livelihood Award", што працуюць у галіне правоў чалавека.

У Саудаўскай Аравіі за прасоўванне дэмакратычных свабод адбываюць працяглыя тэрміны турэмнага зняволення лаўрэаты прэміі 2018 года Махамед аль-Кахтані і Валід Абу аль-Хайр.

У Іране за сваю прафесійную дзейнасць па абароне правоў жанчын і дзяцей адбывае пакаранне 38-гадовая адвакатка Насрын Сатудэ, лаўрэатка прэміі 2020 года.

У Беларусі на сённяшні дзень за кратамі знаходзяцца сем сябраў Праваабарончага цэнтру "Вясна", у тым ліку яе заснавальнік Алесь Бяляцкі — Алесь і сама арганізацыя былі адзначаныя ўзнагародай у 2020 годзе.

"Мы заклікаем Савет па правах чалавека трымаць гэтыя краіны пад пільнай увагай і настойліва патрабаваць ад іх выканання сваіх міжнародных абавязанняў у галіне правоў чалавека, неадкладнага вызвалення ўсіх адвольна затрыманых праваабаронцаў, здымання ўсіх абвінавачванняў супраць іх і прадастаўлення ім кампенсацыі і рэабілітацыі за прычыненую шкоду", — гаворыцца ў заяве.

Пераклад на беларускую мову: ПЦ "Вясна"

See more news

Беларускі Хельсінкскі Камітэт выступіў на 55-й сесіі Рады па правах чалавека
27 March 2024, 9:12 AM
Беларускі Хельсінкскі Камітэт выступіў на 55-й сесіі Рады па правах чалавека
Фокус міжнароднай адвакацыі – вызваленне палітычных зняволеных і прарыў рэжыму incommunicado, стварэнне незалежнага механізму падсправаздачнасці для прасоўвання расследавання з боку УВКПЧ сітуацыі ў Беларусі і працяг мандата Спецыяльнага дакладчыка па Беларусі.
Доклад УВКПЧ: содержание в состоянии инкоммуникадо может быть приравнено к насильственному исчезновению
23 March 2024, 2:53 PM
Доклад УВКПЧ: содержание в состоянии инкоммуникадо может быть приравнено к насильственному исчезновению
Вышла неотредактированная версия Доклада Верховного комиссара ООН по правам человека «Ситуация с правами человека в Беларуси в преддверии президентских выборов 2020 года и после них». Комментирует проект «Право на защиту».
Доклад по Беларуси обсудили на сессии Совета по правам человека. Беларусь: политических заключенных в стране нет
23 March 2024, 2:42 PM
Доклад по Беларуси обсудили на сессии Совета по правам человека. Беларусь: политических заключенных в стране нет
20 марта 2024 года прошло 36-ое заседание 55ой очередной сессии Совета по правам человека. О нем рассказывает проект «Право на защиту».

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці