Святлана Ціханоўская наведала офіс "Рэпарцёраў без межаў"

Падчас візіту ў штаб-кватэру «Рэпарцёраў без межаў» (RSF) у Парыжы лідэр беларускай апазіцыі Святлана Ціханоўская пагадзілася з RSF у тым, што Еўрапейскі саюз павінен аказваць значную доўгатэрміновую дапамогу беларускім журналістам і СМІ, якім давялося пераехаць за мяжу.

Былы кандыдат у прэзідэнты Беларусі і супрацоўнікі RSF абмеркавалі катастрафічную сітуацыю са свабодай прэсы ў Беларусі і цяжкасці, з якімі сутыкнуліся незалежныя журналісты і СМІ пасля сфальсіфікаваных выбараў у жніўні 2020 года.

«Незвычайная грамадзянская і прафесійная мабілізацыя, якую праяўляюць беларускія журналісты, патрабуе адпаведнай фінансавай і палітычнай мабілізацыі ў адказ, у першую чаргу з боку Еўрапейскага Саюза»,-сказаў генеральны сакратар RSF Крыстаф Дэлуар. «Мы заклікаем Еўрапейскі Саюз пастаянна прадастаўляць усе свае фінансавыя і матэрыяльныя магчымасці беларускім СМІ і журналістам».

«Нашы журналісты маюць вострую патрэбу ў дапамозе спецыяльнага фонду Еўрапейскага саюза, у прыватнасці, для іх рэлакацыі і юрыдычнай абароны», - сказала Ціханоўская. «Абарона журналістаў важная ва ўсім свеце, але асабліва ў Беларусі, дзе іх пераследуюць сілавікі, якія не дазваляюць здымаць і паведамляць пра тое, што адбываецца. Без журналістаў мы ніколі не даведаліся б пра рэальную сітуацыю».

«Мы павінны прыняць меры супраць гэтага ўрада, які тэрарызуе журналістаў», - дадаў Дэлуар, выказаўшы надзею, што скарга, якую падалі RSF у Літве, прывядзе ў выніку да еўрапейскіх і міжнародных ордэраў на арышт. Пасля таго, як у траўні прэзідэнт Беларусі Аляксандр Лукашэнка загадаў прызямліцца ў Мінску грамадзянскаму самалёту, каб арыштаваць апазіцыйнага блогера Рамана Пратасевіча, улады Літвы распачалі расследаванне па факце “ўгона самалёта з тэрарыстычным намерам".

Па падліках RSF, пасля спрэчных выбараў Лукашэнкі адбылося больш за 460 затрыманняў журналістаў. Сёння каля 30 журналістаў і супрацоўнікаў СМІ знаходзяцца пад вартай, і ім пагражае некалькі гадоў пазбаўлення волі.

Самая небяспечная краіна Еўропы для журналістаў, Беларусь займае 158 -е месца са 180 краін у Сусветным індэксе свабоды прэсы RSF да 2021 года, што на пяць месцаў ніжэй, чым у 2020 годзе.

Арыгінал артыкула на сайце "Рэпарцёраў без межаў".

Пераклад на беларускую мову - БДПЧ.