Трэнінг «Распрацоўка праектных заявак і асноўныя аспекты праектнага менеджменту». Верасень 2019 года

21 August 2019, 7:48 AM
Трэнінг «Распрацоўка праектных заявак і асноўныя аспекты праектнага менеджменту». Верасень 2019 года

У вас ёсць ідэя, як абараніць альбо прасунуць правы чалавека ці дэмакратычныя каштоўнасці, але вы не зусім разумееце, як яе рэалізаваць? У вас ёсць ідэя, але няма партнёраў, і вы не ведаеце, дзе іх шукаць? У вас ёсць ідэя, вы ведаеце, як яе рэалізаваць, ёсць партнёры, але не ведаеце, дзе і якім чынам знайсці падтрымку? У вас няма альбо зусім малы досвед працы з праектамі, вонкавым фінансаваннем і справаздачнасцю? Калі перад вамі паўсталі такія пытанні, наша прапанова для вас – прыміце ўдзел у трэнінгу «Распрацоўка праектных заявак і асноўныя аспекты праектнага менеджменту».

Хто можа падаць заяўку на ўдзел у трэнінгу?

У першую чаргу трэнінгі разлічаны на тых, хто плануе падаваць заяўкі ў межах конкурсу на падтрымку праектаў у галіне правоў чалавека і дэмакратычных каштоўнасцяў, абвешчанага БДПЧ 5 жніўня 2019 года, але заяўкі будуць прымацца і ад іншых ініцыятыў і арганізацый, у якіх недастатковы досвед у галіне праектнага менеджмента і фандрэйзінга.

Што дасць трэнінг?

У рамках трэнінга ўдзельнікі змогуць азнаёміцца з правіламі складання якаснай праектнай заяўкі, атрымаць тлумачэнне важных дэталяў пры складанні праектнай заяўкі; набыць навыкі складання праектнай заяўкі і бюджэта, асноўных прынцыпаў справаздачнасці, атрымаць каштоўныя каментары і парады экспертаў, як ператварыць ўласную ідэю ў жыццяздольны праект і як шукаць партнёраў.

Таксама ўдзельнікі азнаёмяцца з правіламі абвешчанага конкурсу праектаў, абмяркуюць іх і атрымаюць адказы на пытанні.

Як трапіць на трэнінг?

Адбор удзельнікаў будзе праходзіць на конкурснай аснове. Ахвочым удзельнічаць у трэнінгу трэба запоўніць анлайн-анкету не пазней за 03 верасня 2019 года да 12:00.

Трэнінгі пройдуць у Вільнюсе, Літва, у Беларускім доме правоў чалавека імя Барыса Звозскава, вул. Латака, 3.

Графік трэнінгаў:

Першы трэнінг будзе праходзиць з 20 па 22 верасня 2019 году, пачатак трэнінга з 11:00 20 верасня.

Другі трэнінг будзе праходзіць з 23 па 25 верасня 2019 году, пачатак трэнінга з 11:00 23 верасня.

Калі ў вас узнікнуць пытанні, звяртайцеся да нас па адрасе assistantminsk@gmail.com. 

See more news

«Фармальная адукацыя ў сфэры правоў чалавека ў Беларусі не выконвае сваіх функцыяў, ня вучыць зьместу правоў чалавека»
20 December 2023, 12:46 PM
«Фармальная адукацыя ў сфэры правоў чалавека ў Беларусі не выконвае сваіх функцыяў, ня вучыць зьместу правоў чалавека»
17 і 18 лістапада 2023 года ў Вільні адбылася канфэрэнцыя правайдэраў нефармальнай адукацыі ў галіне правоў чалавека, арганізаваная супольна Беларускім Хельсінкскім Камітэтам і Беларускім домам правоў чалавека імя Барыса Звозскава. У канфэрэнцыі ўдзельнічалі прадстаўнікі шаснаццаці грамадзкіх арганізацыяў.
Правы чалавека — Гэта База: анлайн-курс
21 August 2023, 2:22 PM
Правы чалавека — Гэта База: анлайн-курс
Беларуская моладзевая асветніцка-адукацыйная ініцыятыва «Гэта База» запускае набор на анлайн-курс пра базавыя веды па правах чалавека.
Вакансія ў Беларускім доме правоў чалавека: каардынатар_ка пасляадукацыйнай дзейнасці праграмы ILIA-By
28 July 2023, 10:15 AM
Вакансія ў Беларускім доме правоў чалавека: каардынатар_ка пасляадукацыйнай дзейнасці праграмы ILIA-By
Беларускі дом правоў чалавека імя Барыса Звозскава шукае каардынатар_ку пасляадукацыйнай дзейнасці праграмы ILIA-By.
З 9 па 21 лістапада пройдзе Тыдзень асветніцкіх дзеянняў за роўнасць і інклюзію
09 November 2022, 11:05 AM
З 9 па 21 лістапада пройдзе Тыдзень асветніцкіх дзеянняў за роўнасць і інклюзію
Тыдзень асветніцкіх дзеянняў за роўнасць і інклюзію ініцыюе праваабарончая арганізацыя Human Constanta. Што гэта за падзея і якія івэнты пройдуць цягам двух тыдняў, распавёў адзін з заснавальнікаў Human Constanta і галоўных арганізатараў тыдня Валдзіс Фугаш.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці