Трэнінгі па распрацоўцы праектаў і напісанні праектных заявак

Беларускі Дом правоў чалавека імя Барыса Звозскава абвяшчае набор удзельнікаў і ўдзельніц на трэнінгі па распрацоўцы праектаў і напісанні праектных заявак. У першую чаргу трэнінгі разлічаны на тых, хто плануе падаваць заяўкі на конкурс па падтрымцы праектаў у галіне правоў чалавека, абвешчаны БДПЧ 29 траўня 2023 года.

У межах трэнінгаў ўдзельнікі і ўдзельніцы азнаёмяцца з логікай планавання праектаў, змогуць ператварыць ідэю ў жыццяздольны праект, набудуць навыкі складання якаснай праектнай заяўкі і атрымаюць парады ад экспертаў і экпертак.

БДПЧ ладзіць два тренінгі:

1.     Афлайн-трэнінг у Вільні 15-17 чэрвеня. Арганізатары пакрыюць транспартныя выдаткі удзельнікаў у памеры да 60 еўра, а таксама забяспечаць пражыванне падчас трэнінгу.

2.     Анлайн-трэнінг, які будзе складацца з трох сесій 12, 13 і 19 чэрвеня. Час правядзення: 16:00-19:00 па беларускім/літоўскім часе.

Праграма і іншая падрабязная інфармацыя пра трэнінгі будзе дасланая адабраным удзельнікам і ўдзельніцам.

Хто можа падаць заяўку на ўдзел у трэнінгу?

У першую чаргу трэнінгі разлічаны на тых, хто плануе падаваць заяўкі на конкурс па падтрымцы праектаў у галіне правоў чалавека, абвешчаны БДПЧ 29 траўня 2023 года. Заяўкі прымаюцца і ад іншых ініцыятыў і арганізацый, якія працуюць з тэмамі правоў чалавека і маюць недастатковы досвед у галіне праектнага мэнэджмента і фандрэйзінга.

Як трапіць на трэнінг?

Адбор удзельнікаў і ўдзельніц будзе праходзіць на конкурснай аснове. Жадаючым прыняць удзел неабходна запоўніць заяўку не пазней за 7 чэрвеня:

·      заяўка для ўдзелу ў трэнінгу ў Вільні;

·      заяўка для ўдзелу ў анлайн-трэнінгу.

Вынікі адбору будуць вядомыя не пазней за 9 чэрвеня.

Кантакты

Па пытаннях, звязаных з удзелам у трэнігах, звяртайцеся па электроннай пошце capacity@belhumanrights.house.