У Беларускім доме правоў чалавека праваабаронцы сустрэліся з міністрам замежных справаў Францыі

13 April 2022, 4:19 PM
У Беларускім доме правоў чалавека праваабаронцы сустрэліся з міністрам замежных справаў Францыі

На фота: Віціс Юрконіс, Павел Сапелка, Марыя Ландо, Жан-Іў Ле Дрыан і Андрэй Бастунец

Прадстаўнікі беларускай праваабарончай супольнасці сустрэліся з міністрам замежных спраў Францыі Жанам-Івам Ле Дрыанам.

У мерапрыемстве бралі ўдзел юрыст Праваабарончага цэнтра “Вясна” Павел Сапелка, старшыня БАЖ Андрэй Бастунец, прадстаўніца Беларускага Дома правоў чалавека Марыя Ландо і дырэктар праектаў фонда Freedom House Віціс Юрконіс. Яны распавялі французскаму палітыку пра актуальную сітуацыю з правамі чалавека ў Беларусі, пра стан грамадства, адносіны да вайны ва Украіне. Падрабязна была абмеркаваная тэма сітуацыі ў незалежнай медыясферы Беларусі і ў праваабарончай сферы.

Павел Сапелка адзначыў, што ўзровень рэпрэсій і катаванняў, якія ўжываюцца ўладамі да мірных грамадзянаў, не змяншаецца, колькасць палітвязняў бесперапынна павялічваецца, а за кратамі дагэтуль застаюцца сем сябраў “Вясны”, у тым ліку кіраўнік арганізацыі Алесь Бяляцкі.

Прадстаўнік "Вясны" таксама звярнуў увагу на неабходнасць усебаковай падтрымкі інструментаў ААН па сітуацыі ў Беларусі і IAPB - міжнароднай платформы для Беларусі па прыцягненні вінаватых да адказнасці, а таксама падкрэсліў, што цяперашняя сустрэча стала важным сігналам для дэмакратычных сіл і праваабарончай супольнасці аб захаванні на высокім узроўні ўвагі да беларускай тэматыкі і тэмы правоў чалавека.

Кіраўнік БАЖ Андрэй Бастунец распавёў, у якіх умовах цяпер працуюць беларускія незалежныя медыя — і тыя, хто застаецца ў Беларусі, і хто быў вымушаны вывезці рэдакцыі з краіны. Агулам пад крымінальны пераслед цягам апошніх двух год трапілі каля 60 журналістаў і супрацоўнікаў медыя.

Андрэй Бастунец, сярод іншых, згадаў і пра праваабаронцу Леаніда Судаленку, які ў 2018 годзе атрымаў прэмію Французскай Рэспублікі “Свабода-Роўнасць-Братэрства” за вялікі ўнёсак у абарону правоў чалавека. Гэта быў першы выпадак уганаравання беларуса за праваабарончую дзейнасць прэстыжнай французкай узнагародай. Беларускімі ўладамі Леанід Судаленка за сваю праваабарончую дзейнасць быў пакараны трыма гадамі пазбаўлення волі. 

Паводле сайта "Вясны"

See more news

Резолюция Европарламента: Остановить репрессии в Беларуси и отменить смертную казнь
24 May 2022, 11:24 AM
Резолюция Европарламента: Остановить репрессии в Беларуси и отменить смертную казнь
Европарламент подписал резолюцию о санкциях в отношении Беларуси и России. Телеграм-канал «Мая краіна Беларусь» собрал основные тезисы.
Віцэ-спікер Бундэстага Клаўдыя Рот: «Прэмія Карла Вялікага для Ціханоўскай, Калеснікавай і Цапкала – гэта сігнал далёка за межы Беларусі»
24 May 2022, 10:17 AM
Віцэ-спікер Бундэстага Клаўдыя Рот: «Прэмія Карла Вялікага для Ціханоўскай, Калеснікавай і Цапкала – гэта сігнал далёка за межы Беларусі»
Лідэры беларускага дэмакратычнага руху будуць узнагароджаныя сёлета прэміяй Карла Вялікага. Нямецка-швейцарская праваабарончая арганізацыя “Ліберэка” ўзяла каментар у Таццяны Хоміч, сястры Марыі Калеснікавай, і Клаўдыі Рот, віцэ-спікера Бундэстага.
Комитет защиты журналистов: «Задержание Дмитрия Лукши держалось в секрете, пока активисты случайно не узнали об этом через два месяца»
24 May 2022, 9:47 AM
Комитет защиты журналистов: «Задержание Дмитрия Лукши держалось в секрете, пока активисты случайно не узнали об этом через два месяца»
Правозащитная организация «Комитет защиты журналистов» выступила с заявлением по поводу появившейся информации о тайном аресте в Беларуси журналиста-фрилансера Дмитрия Лукши.
«Рэпарцёры без межаў» публікюць партрэты 27 зняволеных прадстаўнікоў СМІ ў Беларусі
24 May 2022, 9:16 AM
«Рэпарцёры без межаў» публікюць партрэты 27 зняволеных прадстаўнікоў СМІ ў Беларусі
23 траўня адзначаецца год з таго, як рэжым Аляксандра Лукашэнкі захапіў самалёт, каб арыштаваць журналіста Рамана Пратасевіча. Арганізацыя «Рэпарцёры без межаў» нагадвае свету, што ў беларускіх турмах зняволеныя 27 супрацоўнікаў СМІ, і заклікае іх вызваліць.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці