УВКПЧ заклікае дасылаць інфармацыю аб стане правоў чалавека ў Беларусі

04 July 2021, 5:19 PM
УВКПЧ заклікае дасылаць інфармацыю аб стане правоў чалавека ў Беларусі

Упраўленне Вярхоўнага камісара ААН па правах чалавека заклікае асобаў, групы і арганізацыі прадставіць інфармацыю і дакументацыю, якая мае дачыненне да мандата* па разглядзе сітуацыі з правамі чалавека ў Беларусі.

УВКПЧ зацікаўленае ў атрыманні інфармацыі, якая тычыцца ўсіх меркаваных парушэнняў правоў чалавека, учыненых у Беларусі з 1 траўня 2020 года, уключаючы магчымыя гендэрныя аспекты такіх парушэнняў.

Апошні дзень падачы ўсіх матэрыялаў - 15 лістапада 2021 года, але настойліва рэкамендуецца накіроўваць матэрыялы як мага раней, каб у сакратарыята было дастаткова часу для апрацоўкі інфармацыі, уключаючы любыя наступныя дзеянні, калі яны будуць неабходныя. Для прадстаўлення адпаведнай інфармацыі і дакументацыі прапануецца выкарыстоўваць такі шаблон.

УВКПЧ абавязваецца не раскрываць вашу асобу або выкарыстоўваць прадстаўленую інфармацыю толькі з дазволу, а таксама кіравацца прынцыпам "не нашкодзь": не падвяргаць небяспецы жыццё, бяспеку, свабоду і дабрабыт ахвяраў, сведак і іншых асобаў, якія супрацоўнічаюць. У мэтах захавання бяспекі і прыватнасці прадстаўленай інфармацыі рэкамендуецца падаваць яе праз абароненае воблака, створанае УВКПЧ для гэтай мэты - загрузіце шаблон ў воблака разам з любымі адпаведнымі дадаткамі.

Калі ў вас узнікнуць якія-небудзь пытанні, звяртайцеся ў сакратарыят па электронным адрасе OEB@ohchr.org. Па магчымасці, асабліва калі вы хочаце перадаць канфідэнцыйную інфармацыю па электроннай пошце, рэкамендуецца выкарыстоўваць абароненыя каналы электроннай пошты (напрыклад, выкарыстоўваць tutanota, hushmail або virtru або іншыя зашыфраваныя сэрвісы электроннай пошты). Звярніце ўвагу, што пацверджанні аб атрыманні інфармацыі не прадугледжаныя.

Варта адзначыць, што не ўся прадстаўленая інфармацыя абавязкова будзе адлюстравана ў публічных справаздачах. У прыватнасці, не будуць разглядацца справы аб парушэннях, якія выходзяць за рамкі мандата.


* Што такое мандат па разглядзе сітуацыі з правамі чалавека ў Беларусі?

У сваёй рэзалюцыі 46/20 аб становішчы ў галіне правоў чалавека ў Беларусі напярэдадні прэзідэнцкіх выбараў 2020 года і ў перыяд пасля іх, прынятай 29 сакавіка 2021 года, Савет па правах чалавека прасіў Вярхоўнага камісара ААН па правах чалавека:

  • ажыццяўляць маніторынг і прадстаўляць даклады аб становішчы ў галіне правоў чалавека, правесці ўсебаковае вывучэнне ўсіх меркаваных парушэнняў правоў чалавека, учыненых у Беларусі з 1 траўня 2020 года, захаваць і прааналізаваць інфармацыю і доказы з мэтай садзейнічання па прыцягненню да адказнасці вінаватых і правасуддзя для ахвяраў і, па магчымасці, выяўленні вінаватых;

  • даваць агульныя рэкамендацыі па паляпшэнню захавання і абароны правоў чалавека;

  • узаемадзейнічаць з беларускімі ўладамі і ўсімі зацікаўленымі бакамі з мэтай абмену інфармацыяй і аказання падтрымкі дзеянняў па прыцягненню да адказнасці за парушэнні правоў чалавека ў Беларусі.

Пераклад на беларускую мову ПЦ "Вясна"

See more news

Працоўная група ААН прызнала парушэнні правоў палітзняволенага адваката Віталя Брагінца
24 January 2024, 5:56 PM
Працоўная група ААН прызнала парушэнні правоў палітзняволенага адваката Віталя Брагінца
Працоўная група ААН па адвольных затрыманнях разгледзела справу Віталя Брагінца і прыйшла да высновы, што Беларусь парушыла яго правы.
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
20 January 2024, 4:08 PM
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
Камітэт ААН па правах чалавека прыняў рашэнне па "справе аб экстрэмізме" супраць гамельчука Паўла Катаржэўскага. У 2017 годзе хлопца асудзілі за рэпост "Вконтакте" з групы "Революционное действие".
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
20 January 2024, 3:35 PM
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
Камітэт ААН па правах чалавека даслаў праваабаронцу Леаніду Судаленка рашэнне (№2929/2017) наконт скаргі аб сістэматычных парушэннях недатыкальнасці яго прыватнага жыцця, гарантаванага артыкулам 17 Міжнароднага пакту аб грамадзянскіх ды палітычных правах.
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
20 January 2024, 3:25 PM
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
Суд Івацэвіцкага раёна 15 студзеня пастанавіў замяніць палітвязню Рыгору Кастусёву, асуджанаму да 10 гадоў калоніі, рэжым утрымання на турэмны.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці