Вакансія ў БДПЧ: Каардынатар накірунку працы "Развіццё патэнцыяла праваабарончых арганізацый грамадзянскай супольнасці"

Тып пазіцыі (аб’ём занятасці): ад 50 %

Месца: Вільнюс, Літва

Пачатак працы: чэрвень 2023г.

Арганізацыя: Беларускі дом правоў чалавека імя Барыса Звозскава

Узровень заробку: ад 1400 €/месяц (пры 100% занятасці) пасля аплаты падаткаў, у залежнасці ад вопыту і кампетэнцыяў.

Аб арганізацыі: Беларускі дом правоў чалавека імя Барыса Звозскава (БДПЧ) заснаваны беларускімі праваабарончымі арганізацыямі ў 2006 годзе. Ён з’яўляецца сябрам Сеткі Дамоў правоў чалавека, якая аб’ядноўвае больш за 80 праваабарончых няўрадавых арганізацый у 14 Дамах розных краінаў. БДПЧ падтрымлівае і развівае беларускую праваабарончую супольнасць у межах чатырох стратэгічных кірункаў: адукацыя ў сферы правоў чалавека, узмацненне патэнцыяла праваабаронцаў і іх арганізацый, абарона і падтрымка праваабаронцаў і ахвяраў рэпрэсій, міжнароднае адвакатаванне.

Кароткае апісанне пазіцыі: каардынатар накірунку працы БДПЧ  “Развіццё патэнцыяла праваабарончых арганізацый грамадзянскай супольнасці (АГС)” (далей “каардынатар/ка”) адказвае за планаванне, развіццё, агульную каардынацыю, рэалізацыю, ацэнку і ўдзел у забеспячэнні рэсурсамі дзейнасці ў пазначаным накірунку. Дзейнасць ажыццяўляецца паводле стратэгічнага і аператыўнага планаў працы, а таксама асобных праектаў, у якіх каардынатар/ка можа выконваць адпаведныя мэнэджэрскія функцыі. Каардынатар/ка падпарадкоўваецца выканаўчаму дырэктару БДПЧ і праграмнаму мэнэджэру/цы.

АБАВЯЗКІ

• Ува ўзаемадзеянні з кіраўніцтвам БДПЧ і калегамі займацца стратэгічным планаваннем і развіццём кірунку па развіцці патэнцыяла беларускіх АГС, якія працуюць з тэмамі правоў чалавека;

• Падрыхтоўваць аперацыйныя (гадавыя) планы і справаздачы аб працы па накірунку; 

• Удзельнічаць у падрыхтоўцы праектных заявак і напісанні справаздачаў па праектах , у межах якіх рэалізуецца дзейнасць накірунку, і супольна з выканаўчым дырэктарам і праграмным спецыялістам весці камунікацыю з донарамі;

• Выконваць функцыі мэнэджэра праектаў, у рамках якіх рэалізуецца дзейнасць накірунку;

• Адказваць за падрыхтоўку, актуальны стан і выкананне палітыкаў і палажэнняў, згодна з якімі ажжыцяўляецца дзейнасць у рамках накірунку;

• Рыхтаваць інфармацыю і ўзаемадзейнічаць з кіраўніцтвам БДПЧ па пытаннях рэалізацыі працы па накірунку;

• Пры неабходнасці, удзельнічаць у працы камітэтаў і іншых органаў, што прымаюць калегіяльныя рашэнні датычныя рэалізацыі дзейнасці ў рамках накірунку;

• Арганізоўваць і праводзіць рабочыя сустрэчы персаналу для рэалізацыі дзейнасці ў рамках накірунку;

• Ажыццяўляць прэзэнтатыўныя функцыі ад імя накірунку;

• Арганізоўваць і ажыццяўляць маніторынг і ацэнку праграм і праектаў у межах накірунка (унутраную і вонкавую) ува ўзаемадзеянні з праграмным мэнэджэрам;

• Узаемадзейнічаць з кіраўніцтвам і супрацоўнікамі БДПЧ па пытаннях рэалізацыі дзейнасці ў рамках накірунку;

• Выконваць іншыя функцыі ў межах арганізацыйнага і зместавага суправаджэння дзейнасці ў рамках накірунку.

ПАТРАБАВАННІ

• Кандыдат павінны мець вышэйшую адукацыю; пажадана таксама – дадатковую адукацыю ў сферы развіцця арганізацый грамадзянскай супольнасці, праектнага і арганізацыйнага мэнэджмента і г.д  , валодаць ангельскай мовай на дастатковым для працы ўзроўні.

НЕАБХОДНЫЯ ДОСВЕД, ВЕДЫ І КАМПЕТЭНЦЫІ

• Досвед кіраўнічай/мэнэджэрскай працы, у тым ліку кіравання праектамі ў арганізацыях грамадзянскай супольнасці будзе перавагай.

• Не менш за два гады досведу працы па планаванні і распрацоўцы, а таксама рэалізацыі навучальных праграм і іншых мерапрыемстваў па нарошчванні патэнцыялу.

• Уменне праводзіць ацэнкі патрэбаў і арганізацыйнага патэнцыялу.

• Навыкі распрацоўкі, правядзення і ацэнкі праграм навучальных мерапрыемстваў, грунтуючыся на прынцыпах і падыходах нефармальнай адукацыі.

• Пажаданы досвед працы па арганізацыі і правядзенні конкурсаў па падтрымцы праектаў АГС.

• Агульныя веды ў сферы правоў чалавека, у тым ліку аб сітуацыі з правамі чалавека ў Беларусі.

• Інфармаванасць аб прававых і арганізацыйных умовах дзейнасці праваабарончых і іншых арганізацый грамадзянскай супольнасці.

• Досвед узаемадзеяння, у тым ліку ў сетцы, кааліцыях і інш., з праваабарончымі і іншымі арганізацыямі грамадзянскай супольнасці таксама будзе перавагай.

• Высока развітыя аналітычныя навыкі і навыкі арганізацыйнага планавання.

ТЭХНІЧНЫЯ НАВЫКІ

• Устойлівыя навыкі карыстання прадуктамі MS Office/LibreOffice, паштовымі кліентамі, папулярнымі інтэрнэт-браўзерамі, мэсэнджэрамі; 

• Пажадана: разуменне прынцыпаў і валоданне навыкамі бяспечнай камунікацыі.

Зацікаўленых просім даслаць CV і матывацыйны ліст (на беларускай, рускай ці ангельскай мове) на адрас  director@belhumanrights.house з пазнакай назвы вакансіі “Каардынацыя развіцця патэнцыялу” ў тэме.

Нават калі вы не адпавядаеце ўсім пералічаным патрабаванням, але маеце высокую матывацыю, заахвочваем вас падаць заяўку.

Таксама пазначце, калі ласка, прынамсі адну асобу, хто мог бы даць рэкамендацыю вашай кандыдатуры, з кантактамі (e-mail, мабільны нумар, мэсэнджэры).

Па змоўчанні мы пакідаем за сабой права адказаць на заяўку толькі ў выпадку яе адпаведнасці крытэрам і для запрашэння кандыдатаў на сумоўе.