Валянцін Стэфановіч пераабраны віцэ-прэзідэнтам FIDH

31 October 2022, 10:51 AM
Валянцін Стэфановіч пераабраны віцэ-прэзідэнтам FIDH

27 кастрычніка ў межах 41-га Кангрэсу Міжнароднай федэрацыі за правы чалавека (FIDH) беларускі праваабаронца-палітвязень Валянцін Стэфановіч, віцэ-прэзідэнт FIDH, пераабраны на сваёй пасадзе, піша "Вясна".

41-ая сесія Кангрэсу Міжнароднай федэрацыі за правы чалавека (FIDH) распачалася 23 кастрычніка ў Парыжы. Нагадаем, палітзняволены праваабаронца «Вясны» Валянцін Стэфановіч з'яўляецца віцэ-прэзідэнтам FIDH з 2019 года. Падчас адкрыцця Кангрэсу партрэты зняволеных вясноўцаў выставілі ў першым шэрагу, а кіраўнік аддзела Усходняй Еўропы і Цэнтральнай Азіі FIDH Ілля Нузаў зачытаў зварот Валянціна з-за кратаў.

"Асобна хацеў бы падзякаваць сваім братам і сёстрам праваабаронцам за іх салідарнасць і падтрымку ўсіх пазбаўленых свабоды праваабаронцаў у свеце, і, канешне, мяне асабіста. Праваабарончая салідарнасць — магутная сіла, і я веру, што хутка змагу далучыцца да вас, каб разам крочыць па гэтым нялёгкім шляху, да сусветнай гармоніі, любові і міру", — адзначыў у звароце Валянцін Стэфановіч.

Падчас мерапрыемства дэлегаты з В'етнама, ЗША, Арменіі, Малдовы, Беларусі, Бельгіі, Расіі, Францыі, Калумбіі, Нарвегіі, Казахстану і Батсваны падтрымалі зняволеных праваабаронцаў «Вясны». Таксама на адкрыцці прэзідэнт Францыі Эмануэль Макрон і намеснік мэра Парыжа ўзгадалі Праваабарончы цэнтр "Вясна" і яго заснавальніка палітзняволенага Алеся Бяляцкага, які разам з расійскім праваабарончым цэнтрам "Мемарыял" і ўкраінскім "Цэнтрам грамадзянскіх свабод" стаў лаўрэатам Нобелеўскай прэміі міру.

Артыкул з сайта "Вясны"

See more news

«Псіхічнае захворванне, якое трэба лячыць»
22 November 2022, 11:12 AM
«Псіхічнае захворванне, якое трэба лячыць»
Беларускія праваабаронцы паведамілі міжнародным арганізацыям Чырвонага Крыжа, як доктар Дзмітрый Шаўцоў, кіраўнік беларускага Чырвонага Крыжа, у эфіры выказаўся аб пытаннях гендэрнай ідэнтычнасці.
Дэпутаты парламентаў Германіі, Ірландыі і Вялікабрытаніі сталі «хроснымі бацькамі» Яніны Малаш, Уладзіміра Няпомняшчых і Аляксандра Рэзніка
21 November 2022, 11:39 AM
Дэпутаты парламентаў Германіі, Ірландыі і Вялікабрытаніі сталі «хроснымі бацькамі» Яніны Малаш, Уладзіміра Няпомняшчых і Аляксандра Рэзніка
Гэта адбылося ў межах кампаніі салідарнасці #WeStandBYyou, пачатай нямецка-швейцарскай праваабарончай арганізацыяй «Ліберэка».
На Сусветным Кангрэсе супраць смяротнага пакарання Беларусь і Іран называліся разам
16 November 2022, 5:56 PM
На Сусветным Кангрэсе супраць смяротнага пакарання Беларусь і Іран называліся разам
У Берліне прайшла дыскусія пра інструменталізацыю смяротнага пакарання ў палітычных мэтах. Беларусь і Іран прагучалі ў негатыўным кантэксце.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці