"Я пакінула наш дом 12 лістапада дзіцём і вярнуся дарослай". Amnesty International пра тое, як у Беларусі пераследуюць студэнтаў і выкладчыкаў

24 May 2021, 12:11 PM
"Я пакінула наш дом 12 лістапада дзіцём і вярнуся дарослай". Amnesty International пра тое, як у Беларусі пераследуюць студэнтаў і выкладчыкаў

Беларускіх студэнтаў арыштоўваюць па крымінальных абвінавачваннях, пераследуюць за мірную актыўнасць і выключаюць з навучальных устаноў у адплату за ўдзел у пратэстным руху, які працягваецца, супраць шырока аспрэчваемых афіцыйных вынікаў прэзідэнцкіх выбараў у жніўні 2020 года. Як гэта адбываецца, Amnesty International распавядае ў брыфінгу, які яна падрыхтавала ў рамках кампаніі #StandWithBelarus. Ён — шосты ў серыі нарысаў, прысвечаных пераследу самых розных грамадскіх груп у Беларусі — дзяцей і падлеткаў, жанчын і прафсаюзных актывістаў, работнікаў культуры і пенсіянераў.

СПАМПАВАЦЬ (НА АНГЛІЙСКАЙ МОВЕ)

"Студэнты і настаўнікі, якія пратэставалі па ўсёй Беларусі, пачалі бягучы навучальны год у краіне, якая радыкальна змянілася ў выніку летніх падзей. З самага пачатку было ясна, што іх удзел у пратэстах не будзе памяркоўна сустрэты ні ўладамі, ні адміністрацыяй многіх універсітэтаў. 27 кастрычніка Аляксандр Лукашэнка адкрыта заклікаў ВНУ адлічыць іх. А далей, як мы ўжо ўбачылі з трывогай, універсітэты сталі менавіта так і паступаць са мноствам студэнтаў",  заявіла Айша Джанг, старшая кіраўніца кампаній Amnesty International па Беларусі.

Па стане на 17 траўня 2021 года, па звестках Асацыяцыі беларускіх студэнтаў, незалежнага студэнцкага саюза, было затрымана не менш за 466 студэнтаў, амаль траціна з якіх — жанчыны. Многія былі адміністратыўна затрыманыя або аштрафаваныя ў сярэднім на 120 еўра, што складае чвэрць сярэднямесячнай заработнай платы ў Беларусі. Прынамсі 153 студэнты былі адвольна выключаныя з універсітэтаў, а многія ўцякалі ў суседнія краіны, баючыся за сваю бяспеку. 42 студэнты сталі падазраванымі па крымінальных справах, шасцёра былі асуджаныя да пазбаўлення волі.

Падчас аднага з самых нахабных нападаў на студэнцкія арганізацыі ўлады пачалі крымінальнае расследаванне ў дачыненні да 11 студэнцкіх актывістаў і аднаго выкладчыка, большая частка з якіх былі затрыманыя ў сваіх дамах 12 лістапада 2020 года — гэты дзень цяпер называюць "чорны чацвер". Суд над імі пачаўся 14 траўня і, як чакаецца, ён будзе доўжыцца да сярэдзіны чэрвеня. Усім прад'яўленае абвінавачванне згодна з арт. 342 Крымінальнага кодэкса Беларусі ("арганізацыя і падрыхтоўка дзеянняў, якія груба парушаюць грамадскі парадак"), які прадугледжвае пакаранне ў выглядзе пазбаўлення волі тэрмінам да трох гадоў.

19-гадовая Анастасія Булыбенка — адна з падсудных. У дзень арышту Анастасія спала ў сваім ложку ў кватэры, дзе яна жыве з маці, калі пачула голас, які загадвае ёй ўставаць. Яна адкрыла вочы і ўбачыла шасцярых невядомых мужчын — яны ўварваліся ў яе кватэру, а цяпер стаялі вакол яе ложка. Анастасія знаходзіцца ў СІЗА з моманту арышту больш за паўгода — за ўвесь гэты час яе маці, Аксане, было дазволена адно 45-хвіліннае спатканне.

"Для мяне ўвесь свет спыніўся, і я проста глядзела на яе... Яна пасталела, дзіцячыя рысы цалкам зніклі з яе твару. Пазней, яна напісала мне пра гэта ў сваім лісце: "Я пакінула наш дом 12 лістапада дзіцём і вярнуся дарослай", — сказала Аксана Amnesty International, успамінаючы тую сустрэчу.

Атакі на палітычна актыўных студэнтаў і выкладчыкаў — не новая тактыка беларускіх уладаў ці навучальных устаноў. Аднак, як і ў выпадку ўсіх тых, хто выступае супраць урада, маштабы пераследу і гвалту ў дачыненні да іх беспрэцэдэнтныя ў гісторыі незалежнай Беларусі.

Amnesty International заклікае беларускія ўлады неадкладна спыніць рэпрэсіі супраць студэнтаў, навукоўцаў і ўсіх мірных дэманстрантаў.

"Беларускія ўлады павінны выконваць свае абавязацельствы па міжнародным праве ў галіне правоў чалавека і паважаць правы студэнтаў мірна выказваць сваё меркаванне, разам ці супольна, і мірна пратэставаць, не асцерагаючыся пераследаў або рэпрэсій", — сказала Айша Джанг.

Яна дадала: 

"Мы заклікаем студэнцкія саюзы і студэнцкіх лідараў па ўсім свеце праявіць салідарнасць са сваімі таварышамі ў Беларусі і патрабуем, каб улады іх краін неадкладна распачалі крокі для аказання ціску на ўрад Аляксандра Лукашэнкі, каб пакласці канец задушэнню грамадскага і акадэмічнага жыцця, ціску на моладзь краіны".

АРЫГІНАЛ АРТЫКУЛА

Пераклад на беларускую мову - spring96.org

See more news

Працоўная група ААН прызнала парушэнні правоў палітзняволенага адваката Віталя Брагінца
24 January 2024, 5:56 PM
Працоўная група ААН прызнала парушэнні правоў палітзняволенага адваката Віталя Брагінца
Працоўная група ААН па адвольных затрыманнях разгледзела справу Віталя Брагінца і прыйшла да высновы, што Беларусь парушыла яго правы.
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
20 January 2024, 4:08 PM
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
Камітэт ААН па правах чалавека прыняў рашэнне па "справе аб экстрэмізме" супраць гамельчука Паўла Катаржэўскага. У 2017 годзе хлопца асудзілі за рэпост "Вконтакте" з групы "Революционное действие".
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
20 January 2024, 3:35 PM
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
Камітэт ААН па правах чалавека даслаў праваабаронцу Леаніду Судаленка рашэнне (№2929/2017) наконт скаргі аб сістэматычных парушэннях недатыкальнасці яго прыватнага жыцця, гарантаванага артыкулам 17 Міжнароднага пакту аб грамадзянскіх ды палітычных правах.
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
20 January 2024, 3:25 PM
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
Суд Івацэвіцкага раёна 15 студзеня пастанавіў замяніць палітвязню Рыгору Кастусёву, асуджанаму да 10 гадоў калоніі, рэжым утрымання на турэмны.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці