Як зарэгістраваць некамерцыйную арганізацыю? Крок за крокам з новым дапаможнікам

10 March 2021, 3:32 PM
Як зарэгістраваць некамерцыйную арганізацыю? Крок за крокам з новым дапаможнікам

Да 31 сакавіка можна бясплатна замовіць па пошце выпраўленую і дапоўненую рэдакцыю дапаможніка пра рэгістрацыю некамерцыйных арганізацый аўтарства Вольгі Смалянкі, дырэктара Цэнтра прававой трансфармацыі.

Создание некоммерческих организаций в Беларуси: правовые аспекты / Ольга Смолянко. — 4-е изд., испр. и доп. — Минск, 2020. — 292 с.

У кнізе прадстаўленыя параўнальныя характарыстыкі і асноўныя адрозненьні найбольш папулярных арганізацыйна-прававых формаў НКА: грамадскіх аб’яднанняў, фондаў і ўстановаў.

Для кожнай з гэтых формаў у дапаможніку растлумачаны парадак рэгістрацыі і актуальная практыка, дадзеныя ўзоры статутаў, пратаколаў і іншых дакументаў, якія патрэбныя для дзяржаўнай рэгістрацыі.

Асобна разгледжаныя пытанні вызначэння назвы НКА, атрымання юрадраса і першачарговых дзеянняў пасля рэгістрацыі.

Першае выданьне дапаможніка пабачыла свет у 2009 годзе дзякуючы супрацы Асамблеі НДА з Цэнтрам прававой трансфармацыі датычна садзейнічання рэгістрацыі ў Беларусі новых арганізацый грамадзянскай супольнасці.

З таго часу гэты дапаможнік зрабіўся, бадай, найбольш папулярнай кнігай у галіне беларускага некамерцыйнага права. Дзякуючы выкладзеным у кнізе парадам шматлікія беларускія няўрадавыя ініцыятывы атрымалі магчымасьць зрабіць усвядомлены выбар належнай арганізацыйнай формы для рэгістрацыі і, пісьменна падрыхтаваўшы дакумэнты, атрымаць легальны статус.

Мінулае, 3-е выданьне дапаможніка з'явілася ў 2015 годзе, і з таго часу заканадаўства і практыка істотна змяніліся. Новая рэдакцыя дапаможніка ўтрымлівае актуальную інфармацыю і грунтуецца на дзеючых актах заканадаўства, а таксама мае спасылкі на магчымыя новаўвядзенні згодна з запланаванымі законапраектамі.

Каб замовіць кнігу, да 31 сакавіка запоўніце анлайн-анкету.

See more news

БДПЧ шукае даследнікаў для ацэнкі праграмнай дзейнасці ў 2021-2024 гг.
05 March 2024, 8:37 AM
БДПЧ шукае даследнікаў для ацэнкі праграмнай дзейнасці ў 2021-2024 гг.
Беларускі дом правоў чалавека імя Барыса Звозскава шукае даследнікаў, якія зладзяць ацэнку праграмнай дзейнасці БДПЧ у 2021-2024 годзе.
БДПЧ абвяшчае конкурс грантаў для развіцця арганізацыйнага патэнцыялу
05 January 2024, 10:17 AM
БДПЧ абвяшчае конкурс грантаў для развіцця арганізацыйнага патэнцыялу
Беларускі дом правоў чалавека імя Барыса Звозскава абвяшчае конкурс на падтрымку арганізацыяў грамадзянскай супольнасці, што працуюць з тэмамі правоў чалавека.
Арганізацыйная падтрымка ад «РАДА»
27 October 2023, 11:06 AM
Арганізацыйная падтрымка ад «РАДА»
Праграма арганізацыйнай падтрымкі Беларускага нацыянальнага моладзевага савета «РАДА» прызначана для аказання кароткатэрміновай дапамогі прадстаўнікам_цам моладзевых арганізацый і ініцыятыў, актывістам_кам моладзевага сектара, якія пацярпелі ад палітычнага пераследу.
Стыпендыяльная праграма для журналістаў ад Free Belarus Center
25 September 2023, 8:23 AM
Стыпендыяльная праграма для журналістаў ад Free Belarus Center
Free Belarus Center запускае стыпендыяльную праграму для беларускіх актывістаў_ак, журналістаў_ак і праваабаронцаў. Адабраныя стыпендыянты_кі змогуць рэалізаваць свой уласны праект альбо пройдуць стажыроўку ў профільнай арганізацыі цягам 3 месяцаў.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці