Запрашаем да ўдзелу: варкшопы па кіраванні арганізацыяй падчас крызісу

Беларускі Дом правоў чалавека імя Барыса Звозскава запрашае на серыю анлайн-варкшопаў, прысвечаных тэме мэнэджмента арганізацый грамадзянскай супольнасці (АГС) ў часы крызіса.

Па выніках мерапрыемстваў удзельнікі і ўдзельніцы:

·      даведаюцца, якія інструменты можна выкарыстоўваць для ацэнкі рызыкаў  як можна рэагаваць на іх;

·      зразумеюць, на якім этапе жыццёвага цыкла знаходзіцца арганізацыя, якія ўнутраныя крызісы верагодныя на гэтым этапе;

·      абмяркуюць, якія стылі лідэрства працуюць у часы крызіса і як стаць больш эфектыўным лідэрам у перыяд перамен;

·      зразумеюць, якія фактары дапамагаюць камандзе не выгараць і як выбудаваць сістэму падтрымкі супрацоўнікаў і валанцёраў;

·      змогуць спланаваць дзеянні сваёй АГС, каб перажыць крызіс з мінімальнымі стратамі.

Серыя варкшопаў складаецца з чатырох заняткаў:

1.     Ацэнка і кіраванне рызыкамі, 4 траўня (чацвер)

2.     Крызісы на розных этапах жыцця арганізацыі і як з імі спраўляцца, 5 траўня (пятніца)

3.     Лідэрства падчас крызісу, 8 траўня (панядзелак)

4.     Як падтрымаць каманду арганізацыі падчас крызісу, 10 траўня (серада).

Час правядзення мерапремстваў: 17:00 – 19:00 па беларускім/літоўскім часе.

Як будуць праходзіць заняткі?

Варкшопы будуць праходзіць у Zoom у фармаце практычных заняткаў

Падчас заняткаў мы заклікаем, але не абавязуем, удзельнікаў і ўдзельніц уключаць гук і камеру, каб забяспечыць максімальна прадуктыўнае ўзаемадзеянне і дыскусіі.

Як трапіць на варкшопы?

Да ўдзелу ў серыі варкшопаў запрашаюцца прадстаўнікі і прадстаўніцы беларускіх арганізацый грамадзянскай супольнасці, якія працуюць з тэмамі правоў чалавека. Зарэгістравацца можна як на адзін занятак, так і на ўсе чатыры анлайн-воркшопа.

Ахвочым трэба запоўніць заяўку па спасылцы не пазней за 2 траўня (аўторак). Пра вынікі адбору ўдзельнікаў і ўдзельніц мы паведамім 3 траўня.

Усе заяўкі пройдуць верыфікацыю.

Кантакты

Па пытаннях, звязаных з удзелам у варкшопах, звяртайцеся па электроннай пошце capacity@belhumanrights.house.