Заява ФДПЧ з нагоды ліквідацыі Беларускай асацыяцыі журналістаў

31 August 2021, 2:25 PM
Заява ФДПЧ з нагоды ліквідацыі Беларускай асацыяцыі журналістаў

Фонд «Дом правоў чалавека» абураны ліквідацыяй Беларускай асацыяцыі журналістаў (БАЖ) і салідарны з БАЖ і астатняй беларускай грамадзянскай супольнасцю, якая знаходзіцца ў аблозе. Мы заклікаем міжнародную супольнасць выкарыстоўваць усе даступныя інструменты падтрымкі беларускай грамадзянскай супольнасці і праваабаронцаў, у тым ліку індывідуальныя санкцыі супраць усіх адказных за парушэнні правоў чалавека ў краіне.

27 жніўня 2021 года Вярхоўны суд Беларусі пастанавіў ліквідаваць Беларускую асацыяцыю журналістаў (БАЖ). Гэта былі палітычна матываваныя дзеянні судовай сістэмы, якая пастаянна крытыкавалася міжнароднай супольнасцю за адсутнасць незалежнасці.

ГА "БАЖ" - гэта Беларускае прафесійнае аб'яднанне журналістаў. Яна накіравана на абарону свабоды слова і прасоўванне прафесійных стандартаў журналістыкі. Гэта адзінае сапраўды незалежнае аб'яднанне журналістаў у краіне. ГА "БАЖ" было створана ў 1995 годзе, калі 37 журналістаў аб'ядналіся, каб супрацьстаяць ціску на свабоду выказвання меркаванняў. З тых часоў БАЖ стаў нацыянальным чэмпіёнам незалежных СМІ, дапамагаючы журналістам і СМІ, змагаючыся за іх правы і свабоды, праводзячы кампаніі салідарнасці, а таксама аказваючы юрыдычныя кансультацыі і падтрымку.

У лютым 2021 года ўлады правялі ператрус у цэнтральным офісе БАЖ. У чэрвені Міністэрства юстыцыі пачало сур'ёзную праверку іх дзейнасці з просьбай да арганізацыі прадставіць тысячы дакументаў. Ціск яшчэ больш узмацніўся ў ліпені, калі ўлады зноў зрабілі ператрус і апячаталі офіс БАЖ, а затым падалі ў Вярхоўны суд пазоў аб ліквідацыі.

Беларусь нядаўна адзначыла 30-годдзе незалежнасці. Аднак на працягу ўсяго гэтага часу беларускія ўлады няспынна атакавалі і рэпрэсіравалі незалежныя СМІ і журналістаў. Сітуацыя працягвае пагаршацца пасля прэзідэнцкіх выбараў 9 жніўня 2020 года. Па-ранейшаму відавочна, што беларускія ўлады метадычна працуюць над ліквідацыяй усіх незалежных галасоў у краіне.

Ліквідацыя БАЖ - яшчэ адна змрочная веха для свабодных СМІ ў Беларусі. Аднак мы ведаем, што ў рэшце рэшт беларускім уладам не ўдасца задушыць свабоду, да якой беларускія грамадзяне так рашуча заклікаюць з мінулага лета.

Арыгінал заявы на сайце ФДПЧ

Пераклад на беларускую мову Беларускага дома правоў чалавека імя Барыса Звозскава

See more news

Працоўная група ААН прызнала парушэнні правоў палітзняволенага адваката Віталя Брагінца
24 January 2024, 5:56 PM
Працоўная група ААН прызнала парушэнні правоў палітзняволенага адваката Віталя Брагінца
Працоўная група ААН па адвольных затрыманнях разгледзела справу Віталя Брагінца і прыйшла да высновы, што Беларусь парушыла яго правы.
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
20 January 2024, 4:08 PM
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
Камітэт ААН па правах чалавека прыняў рашэнне па "справе аб экстрэмізме" супраць гамельчука Паўла Катаржэўскага. У 2017 годзе хлопца асудзілі за рэпост "Вконтакте" з групы "Революционное действие".
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
20 January 2024, 3:35 PM
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
Камітэт ААН па правах чалавека даслаў праваабаронцу Леаніду Судаленка рашэнне (№2929/2017) наконт скаргі аб сістэматычных парушэннях недатыкальнасці яго прыватнага жыцця, гарантаванага артыкулам 17 Міжнароднага пакту аб грамадзянскіх ды палітычных правах.
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
20 January 2024, 3:25 PM
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
Суд Івацэвіцкага раёна 15 студзеня пастанавіў замяніць палітвязню Рыгору Кастусёву, асуджанаму да 10 гадоў калоніі, рэжым утрымання на турэмны.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці