«Журналістыка – не тэрарызм»: Камітэт абароны журналістаў каментуе рэпрэсіі супраць СМІ ў Беларусі

30 May 2022, 8:08 AM
«Журналістыка – не тэрарызм»: Камітэт абароны журналістаў каментуе рэпрэсіі супраць СМІ ў Беларусі

Парыж, 27 траўня 2022 года – Улады Беларусі павінныя зняць усе абвінавачванні з журналістаў Сцяпана Пуцілы і Яна Рудзіка, неадкладна вызваліць колішняга журналіста «Белсата» Аляксандра Любенчука і перастаць называць СМІ тэрарыстамі і экстрэмістамі, заявіла міжнародная праваабарончая арганізацыя «Камітэт абароны журналістаў».

Камітэт абароны журналістаў на сваім сайце падрабязна апісвае для міжнароднай аўдыторыі ўсе падрабязнасці затрымання Аляксандра Любенчука, колішняга журналіста незалежнага тэлеканала «Белсат», і прад'яўленыя абвінавачанні ў тэрарызме журналістам у выгнанні Сцяпану Пуцілу і Яну Рудзіку з тэлеграм-каналу NEXTA.

З нагоды гэтых чарговых выпадкаў пераследу вольнага слова ў Беларусі Камітэт абароны журналістаў выступіў з заявай.

«Беларускія ўлады павінныя неадкладна вызваліць Аляксандра Любенчука і зняць вартыя смеху абвінавачванні ў тэрарызме са Сцяпана Пуцілы і Яна Рудзіка» - заявіў выканаўчы дырэктар Камітэта абароны журналістаў Роберт Махоні ў Нью-Ёрку. «Журналістыка – гэта не тэрарызм, і спробы знішчыць незалежныя СМІ праз пераслед журналістаў толькі падкрэсліваюць, што ўлады Беларусі не здольныя супрацьстаяць любому крытычнаму слову».

Камітэт абароны журналістаў піша:

«У заяве Следчага камітэта Беларусі, апублікаваным на БелТА, напісана, што Пуцілу і Рудзіка абвнавачваюць таму, што з 2020 года яны «выкарыстоўвалі свае інфармацыйныя рэсурсы для дэстабілізацыі сітуацыі ў Беларусі і радыкалізацыі так званых пратэстаў». Назваўшы іх тэрарыстамі, Следчы камітэт заявіў, што Пуціла і Рудзік «неаднаразова заклікалі да распальвання сацыяльнай варожасці, перакрыццю дарог і каардынацыі вулічных беспарадкаў, да тэрарыстычных актаў на чыгунцы і дыверсій на прадпрыемствах, якія могуць прывесці да тэхнагенных катастрофаў».

Таксама праваабаронцы распавядаюць сваёй аўдыторыі пра тое, што «экстрэмісцкімі» былі прызнаныя сайт і сацыяльныя сеткі выдання «Медыязона-Беларусь», тэлеграм-канал «Эканоміка Беларусі».

 

Цалкам артыкул Камітэта абароны журналістаў (на ангельскай мове) чытайце на сайце арганізацыі.

Пераклад на беларускую мову – БДПЧ.

See more news

Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
15 February 2024, 4:44 PM
Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
"Вясна" распавядае пра вынікі пераследу беларусаў за прадукты для сем'яў палітзняволеных.
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
15 February 2024, 4:41 PM
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
“Пакаранне ў зняволенні: інструмент выпраўлення ці знявагі? Міжнароднае і нацыянальнае права і практыка” – канферэнцыю на гэтую тэму праводзіць 20 лютага ў Вільні праваабарончая ўстанова “Лекары за праўду і справядлівасць”.
«Не будзе АБСЕ, ну дык што?» Хто будзе назіраць за выбарамі* ад місіі СНД
15 February 2024, 4:33 PM
«Не будзе АБСЕ, ну дык што?» Хто будзе назіраць за выбарамі* ад місіі СНД
Ужо на наступным тыдні пройдзе адзіны дзень галасавання, падчас якога прапануюць выбраць дэпутатаў у парламент і мясцовыя саветы.
Аналітычны агляд БХК. «Для парушэнняў правоў чалавека ствараецца законная рамка»
15 February 2024, 4:25 PM
Аналітычны агляд БХК. «Для парушэнняў правоў чалавека ствараецца законная рамка»
Беларускі Хельсінкскі Камітэт падрыхтаваў агляд найбольш значных зменаў у беларускай дзяржаўнай палітыцы ў галіне правоў чалавека і рэакцыях на яе з боку міжнароднай супольнасці. Аналітыка дапамагае лепш зразумець трэнды ў галіне правоў чалавека, дае магчымасць адсочваць сістэмныя і якасныя змены сітуацыі, пашырыць правачалавечны фокус аналітыкі ў сумежных галінах.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці