Анлайн-курс «Палітыка 101: аналізуем уладу і яе транзіты»

Запісвайцеся на анлайн-курс “Палітыка 101: аналізуем уладу і яе транзіты”, які адбудзецца з 4 лістапада па 17 снежня ў Кампусе палітычнай навукі.

Чаму 101? Бо на курсе будзе ўзровень ведаў, эквівалентны базаваму курсу ў прэстыжным амерыканскім каледжы, дзе падобныя курсы звычайна абазначаюцца кодам 101.

Кампус палітычнай навукі дае магчымасць атрымаць веды ад спікерак і спікераў з топавых еўрапейскіх і амерыканскіх універсітэтаў не ў сумным акадэміцкім фармаце, а праз інтэрактыўны курс, дзе цікавыя лекцыі сумешчаны з дыскусіямі і аналізам кейсаў. А напрыканцы навучання адбудзецца праца ў міні-групах па распрацоўцы і прэзентацыі фінальнага праекту.

Пра што даведаецеся на курсе:

• якія знешнія і ўнутраныя фактары ўплываюць на палітычныя транзіты або іх адсутнасць;

• што можа забяспечваць або тармазіць развіццё дэмакратыі;

• як рэжымы выкарыстоўваюць інструменты зваротнай сувязі з грамадзянамі ў сваіх інтарэсах;

• чаму аўтарытарныя суды і парламенты — не проста дэкарацыі;

• як дасягнуць сумленных выбараў у постаўтарытарных краінах;

• і шмат яшчэ цікавага.

Хто пра гэта раскажа:

Міхаэль Рохліц, PhD, прафесар, Oxford University;
Ганна Чапман, PhD, прафесарка, University of Oklahoma;
Маргарыта Завадская, PhD, Finnish Institute of Int. Affairs,University of Helsinki;
Леся Руднік, дактарантка Карлстадскага ўніверсітэта, дырэктарка Цэнтра новых ідэй;
Стас Гарэлік, PhD, Цэнтр новых ідэй;
і іншыя.

Удзельніц і ўдзельнікаў чакаюць 12 анлайн-сустрэч, якія будуць адбывацца па вечарах двойчы на тыдзень.

Каму будзе цікавы курс:

Студэнткам і студэнтам гуманітарных спецыяльнасцей, праваабаронцам, даследчыцам і даследчыкам, журналісткам і журналістам. Узроставае абмежаванне для ўдзелу — да 30 гадоў. Таксама будуць англамоўныя спікеры, таму трэба мець мінімум узровень B1.

Падаць заяўку і даведацца падрабязней аб праграме можна на сайце https://politicalcampus.co/
Дэдлайн — 29 кастрычніка!