Belarus Future Unconference 2024

Цэнтр новых ідэй запрашае на Belarus Future Unconference 2024 для абмеркавання таго, як змяніць сябе, каб змяніць Беларусь ️

"Каб зноў пачаць уплываць на будучыню краіны, грамадскім актарам патрэбна пераасэнсаванне сваёй ролі ў сённяшняй Беларусі. Трэба выйсці з крызісу і намацаць накірункі развіцця, правесці перазборку сваёй дзейнасці. Знайсці аптымізм, але пазбавіцца ілюзій".

Belarus Future Unconference 2024 пройдзе 23 лістапада ў Варшаве і збярэ грамадскіх актывістак і актывістаў, сацыяльных прадпрымальніц і прадпрымальнікаў, журналістак і журналістаў, а таксама іншых неабыякавых асобаў для таго, каб абмеркаваць новае бачанне грамадскага сектара і яго ролю ў будучыні краіны.

Палова антыканферэнцыі пройдзе ў фармаце паралельных дыскусій World Cafe. Падчас кожнай з іх удзельніцы і ўдзельнікі будуць абмяркоўваць адну са сфераў грамадскага сектару: якая ейная роля цяпер, якой яна павінна быць і што гэтага неабходна.

Калі: 23/11/2024, з 13:30 да 18:30
Дзе: Centrum Kreatywności Targowa (Warszawa, Targowa 56)

На сайце BFUNCONF.LIVE вы знойдзеце імёны спікерак і спікераў — https://bfunconf.live/

Зарэгістравацца на канферэнцыю можна тут