Юрыдычны дыскусійны клуб. Сустрэча з Андрэем Палудам

Дата: 8 кастрычніка 2024 года а 18:00 CET (18:00 - Варшава, 19:00 - Вільня, Менск)

Месца: Анлайн прастора 
Працягласць: 1 гадзіна

Тэма: Традыцыйная сустрэча на вольныя тэмы

Юрыдычны дыскусійны клуб запрашае на чарговую вольную сустрэчу ў фармаце: Сустрэча з цікавым чалавекам. Госць сустрэчы — Андрэй Палуда.Традыцыйна кожны другі месяц наша вольная сустрэча праходзіць з удзелам цікавай асобы, з якой можна паразмаўляць на розныя тэмы. Цікавы чалавек, улюблёны ў сваю справу - гэта заўсёды натхняльна, таму далучайцеся!

Андрэй Палуда — каардынатар кампаніі «Праваабаронцы супраць смяротнага пакарання». Сустрэча адбываецца з нагоды тыдню супраць смяротнага пакарання (5-10 кастрычніка).

Для ўдзелу ў мерапрыемстве трэба запоўніць анкету. Спасылка для ўдзелу будзе дасланая непасрэдна перад мерапрыемствам.

Вельмі просім вас абавязкова пісаць у анкеце нікнейм у ZOOM, з якім плануеце ўдзельнічаць. Забяспячэнне бяспекі - вельмі важная частка нашых мерапрыемстваў, таму людзі з невядомымі нікамі не дадаюцца.

ЗАПОЎНІЦЬ АНКЕТУ ДЛЯ ЎДЗЕЛА

NB! На мерапрыемстве прадугледжаны адпаведны ўзровень бяспекі - так, да ўдзелу дапускаюцца асабіста знаёмыя арганізатарам асобы, альбо асобы, якіх арганізатары могуць ідэнтыфікаваць праз партнёрскія суполкі. Таму просім пісаць у анкеце дадзеныя, якія дазволяць вас ідэнтыфікаваць альбо звязацца з суполкай, якая дапаможа вас ідэнтыфікаваць. Мы запрашаем удзельнікаў з Беларусі да ўдзелу з улікам магчымасцяў па бяспецы. Па запыце мы дасылаем інструкцыю аб тым, як павысіць бяспеку пры ўдзеле ў мерапрыемствах праз Zoom.