«Абсурдныя абвінавачванні супраць Уладзя Грыдзіна паказваюць, як улады баяцца незалежнай журналістыкі»

Камітэт абароны журналістаў выступіў у абарону фотакарэспандэнта Уладзя Грыдзіна, асуджанага да 13 сутак арышту.

«Нью-Ёрк, 8 лютага 2022 г. – Беларускія ўлады павінны неадкладна вызваліць журналіста Уладзя Грыдзіна і дазволіць яму і беларускім журналістам свабодна і бяспечна працаваць, заявіла праваабарончая арганізацыя «Камітэт абароны журналістаў».

У панядзелак, 7 лютага, суд Фрунзенскага раёна Мінска прысудзіў Уладзю Грыдзіну, фотакарэспандэнту-фрылансеру, які раней супрацоўнічаў з беларускай службай Радыё Свабода, да 13 сутак паводле абвінавачаньня ў «непадпарадкаваньні міліцыі», паведамляюць Радыё Свабода; артыкулы ў СМІ; справаздача Беларускай асацыяцыі журналістаў (БАЖ); і намеснік старшыні БАЖ Барыс Гарэцкі.

Абвінавачванні былі выстаўленыя ў пятніцу, калі журналіст нібыта адмовіўся пускаць міліцыю ў сваю кватэру. У судзе Грыдзін адпрэчыў абвінавачаньні.

«Абсурдныя абвінавачанні супраць журналіста Ўладзя Грыдзіна паказваюць, наколькі беларускія ўлады баяцца незалежнай журналістыкі», — сказала каардынатар Камітэта абароны журналістаў па Еўропе і Цэнтральнай Азіі Гульноза Саід. «Фотакарэспандэнты падаюць найбольш аб’ектыўную інфармацыю знутры Беларусі, дзе замоўчваецца праўда. Уладзя Грыдзіна трэба неадкладна вызваліць і дазволіць яму працягваць сваю працу».

Гульноза Саід 

У пятніцу Грыдзін перастаў адказваць на паведамленні і тэлефонныя званкі, а ў нядзелю, калі сваякі правяралі яго кватэру, убачылі раскіданыя на падлозе рэчы журналіста і адзначылі, што адсутнічаюць яго ноўтбук і фотаапарат. Пазней сваякі даведаліся, што праваахоўнікі ўварваліся ў кватэру Грыдзіна і адвезлі яго на Акрэсціна, ізалятар часовага ўтрымання.

 Дэйзі Сіндэлар, галоўная рэдактарка Радыё Свабода, заявіла ў падтрымку Грыдзіна: «Мы ўстрывожаныя навінамі аб затрыманні нашага былога калегі і асуджаем кампанію, якую ладзіць урад Беларусі, каб прымусіць журналістаў замаўчаць і каб забараніць ім казаць праўду».

 Дэйзі Сіндэлар

Цалкам артыкул (на англійскай мове) на сайце Камітэта абароны журналістаў.

Пераклад на беларускую мову: БДПЧ.