Адвакаты Наталля Мацкевіч і Павел Сапелка разважаюць пра лёс беларускай адвакатуры
)
Праект «Права на абарону» папрасіў адвакатаў паразважаць пра першы ўдар па незалежнай адвакатуры ў 2010 годзе, пра тое, якой тады была адвакатура, пра сённяшнія падзеі і пра тое, ці магло б быць іначай.
Сёлета беларуская адвакатура па афіцыйнай версіі адзначае сваё стагоддзе. Кіраўніцтва адвакатуры адлічвае дату стварэння з савецкіх часоў, нягледзячы на тое, што адвакаты існавалі ў Беларусі задоўга да гэтага. Нажаль, амаль уся гісторыя адвакатуры суверэннай Беларусі – гэта гісторыя яе паслаблення і страты ёю незалежнасці.
Аднымі з такіх знакавых падзей для чарговай страты адвакатуры часткі сваёй незалежнасці былі выбары 2010 года. Менавіта тады адбылося першае масавае «пакаранне» адвакатаў, якія абаранялі палітычных апанентаў улады. З іншага боку, у той жа год у самай масавай і самай моцнай калегіі адвакатаў – Мінскай гарадской – быў выбраны ў рамках адкрытай і канкурэнтнай працэдуры новы прэзідыум, з якім былі звязаны надзеі на новае жыццё ў беларускай адвакатуры. Але потым нешта пайшло не так.
Праект «Права на абарону» папрасіў адваката* Наталлю Мацкевіч пагаварыць пра тыя падзеі, якой была тады адвакатура, як працавалі адвакаты, што змянілася пасля 2010 года і ці магло быць нешта іначай з адным з непасрэдных удзельнікаў тых падзей – адвакатам* Паўлам Сапелкам, які абараняў Андрэя Саннікава і Паўла Севярынца ў 2010-2011 гадах.
* Праект «Права на абарону» наўмысна не ўжывае слова «былы» ў дачыненні да адвакатаў, пазбаўленых ліцэнзіі або выключаных з адвакатуры ў рамках працэдур, зробленых з парушэннем прынцыпаў адвакатуры.
Хранаметраж відэа:
00:00 - Уступ
02:02 - Як працавалася адвакатам у 90-я гады
03:31 – Абаронцы Курапатаў і першыя палітычныя справы
05:03 - Крымінальныя справы па абразе А.Лукашэнкі ў пачатку 2000-х
07:05 - Ці было страшна займацца палітычнымі справамі
09:08 - Ці можа адвакат звяртацца да сродкаў масавай інфармацыі
11:30 – Момант ісціны для адваката П.Сапелкі
13:02 – Збіццё А. Саннікава і бяздзеянне праваахоўных органаў
14:45 - Новы прэзідыум МГКА вясной 2010 года і чаканне перамен
16:10 - Як Мінюст прыбіраў непажаданых адвакатаў
17:38 – Калі калегіі адвакатаў яшчэ маглі мець сваё меркаванне
18:13 – Пазбаўленне ліцэнзіі П.Сапелкі рукамі калег
21:38 - Чаму прагрэсіўны Прэзідыум не абараніў сваіх адвакатаў
23:25 - Напад на аднаго адваката – напад на ўсю адвакатуру
24:10 - Ці варта ахвяраваць адным адвакатам
25:10 - Калі мяне «расстралялі»
26:55 - Крыўдзіцца няма на каго
28:01 - Ці можна было нешта зрабіць за 10 гадоў, каб адвакатура стала мацнейшай
29:05 - Далі цукерку і закруцілі гайкі
31:26 - Як праваабаронцы абаранялі адвакатуру і дзе была сама адвакатура
32:55 – Што ўвогуле можна было зрабіць у Беларусі з законам аб адвакатуры
34:18 - Не марныя 10 гадоў
35:16 – Адвакатура не працуе, адвакаты працуюць
35:58 - Ці ёсць цяпер адвакатура
37:33 – Гімн беларускай адвакатуры як твар беларускай адвакатуры
38:10 - Як можна цяпер працаваць адвакатам
38:38 - Новая адвакатура новай Беларусі
40:10 - Калі суд будзе вольны, тады і будзе запыт на моцную незалежную адвакатуру.
41:38 - У Беларусі больш за 60 адвакатаў пазбаўлены права на прафесію
Глядзiце таксама
)
)
)
)
)
Атрымаць падтрымку
