Апытанне аб рэалізацыі экалагічных правоў

Экадом збірае інфармацыю аб рэалізацыі права на спрыяльны экалагічны асяродак для даклада.

Ці задумваліся вы, што спрыяльны экалагічны асяродак - гэта базавае права? Ці даводзілася запытваць экалагічную інфармацыю, удзельнічаць у грамадскіх абмеркаваннях, змагацца з несанкцыянаванымі звалкамі смецця, абараняць дрэвы ад варварскага абразання? Ці, можа, даводзілася абараняць свае правы ў судзе?

Экадом запрашае ўзяць удзел у невялікім апытанні па рэалізацыі экалагічных правоў. Вашыя адказы дапамогуць арганізацыі падрыхтаваць альтэрнатыўны даклад аб тым, як у Беларусі выконваецца Орхуская канвенцыя і забяспечваецца права на спрыяльны экалагічны асяродак.

З нацыянальным дакладам аб выкананні Орхускай канвенцыі ў Беларусі можна азнаёміцца па спасылцы, а з дакладам Экадома "Экалагічная дэмакратыя" за 2017 год аб рэалізацыі права на спрыяльны экалагічны асяродак (2014-2017) - тут.

Апытанне прапануюць прайсці асобна людзям і арганізацыям.

Арыгінал абвесткі на сайце "Экадома".