Беларускія палітвязні - Тэма № 1: далучайцеся да кампаніі салідарнасці
)
Тэма палітвязняў – гэта тэма нумар адзін для беларусаў і беларусак! Незалежная грамадская арганізацыя Free Belarus Center разам з партнэрамі запускае кампанію ТЭМА#1, якая накіраваная на падтрымку беларускіх палітычных зняволеных.
Free Belarus Center у “перадвыбарчы” час для беларусаў і беларусак анансавала сайт ТЭМА#1 – дзе кожны і кожная можа падтрымаць палітвязняў.
У межах кампаніі ТЭМА#1 будуць праходзіць анлайн і афлайн сустрэчы.
Далучыцца можна праз адмысловы сайт.
На сайце ёсць печыва з прадказаннем ад палітвязняў, якім можна і трэба падзяліцца ў сацсетках. Гэты просты крок узмацніць гучанне тэмы палітвязней у беларускай медыя прасторы. Таксама на сайце сабраныя іншыя спосабы падтрымкі праз розныя арганізацыі і афіша мерапрыемстваў афлайн.
Непасрэдна 26 студзеня ў беларускіх прасторах (хабах, каворкінгах, культурных прасторах, кавярнях і барах) пройдзе серыя разнастайных сустрэчаў, прысвечаных тэме правоў чалавека, палітычным зняволеным, дэмакратыі.
Якая сустрэча будзе праходзіць у вашым горадзе, таксама можна паглядзець на сайце кампаніі.
“Наша сіла – у салідарнасці, а наша галоўная каштоўнасць – свабода. Таму мы не хочам гаварыць пра выбары, мы абіраем гаварыць пра нашы каштоўнасці: няма нічога важнейшага за свабоду беларусаў і беларусак. Далучайцеся да кампаніі! Давайце быць разам з тымі, хто сёння не можа быць свабоднымі.” – Паліна Бродзік, каардынатарка кампаніі.
Кампанія ТЭМА#1 плануе павысіць інфармаванасць і павялічыць падтрымку палітычных зняволеных. Яна скончыцца 26 студзеня ў 00:00. Паспей зрабіць свой унёсак у нашую агульную справу.
Далучыцца да кампаніі можна непасрэдна праз сайт ТЭМА#1
А сачыць за ходам кампаніі ў сацсетках партнэраў і арганізацыі:
instagram.com/freebelaruscenter/
Глядзiце таксама
)
)
)
)
)
Атрымаць падтрымку
