Міжнародны дзень абароны дзяцей: падтрымайце падлеткаў-палітвязняў

У Міжнародны дзень абароны дзяцей "Вясна" узгадвае тых, хто стаў палітвязнем да паўналецця.

Сёння з Беларусі 9 палітвязняў, тэрміны якім былі прызначаныя, калі ім яшчэ не споўнілася 18 гадоў. Сямі з іх прысудзілі па 3 гады выхаваўчай калоніі, аднаму — 1 год і 3 месяцы. Усе яны сустрэлі сваё 18-годдзе за кратамі.

17-гадовы палітвязень Максім Куксачэнка, якому прысудзілі 1 год і 6 месяцаў выхаваўчай калоніі, у красавіку быў вызвалены.

Асобна стаіць гісторыя Мікіты Залатарова. На той момант 16-гадовага Мікіту, хворага на эпілепсію, абвінавачвалі ажно па трох артыкулах Крымінальнага кодэкса і асудзілі на 5 гадоў выхаваўчай калоніі. Пазней на хлопца завялі яшчэ адну справу — за тое, што ён нібыта напаў на супрацоўніка СІЗА і пагражаў яго родным. Агульны тэрмін пакарання для Мікіты склаў 4 гады і 6 месяцаў выхаваўчай калоніі.

Гісторыі хлопцаў і адрасы, каб іх падтрымаць:

• Мікіта Залатароў bit.ly/3yTTdxC

• Сяргей Гацкевіч bit.ly/3uDm3iu

• Эдуард Кудынюк bit.ly/3uyaby8

• Максім Шатохін bit.ly/3wZtpQy

• Данііл Калеснікаў bit.ly/3NLMlsB

• Максім Імхавік bit.ly/3zb23JG

• Іван Пацяйчук bit.ly/3PWvoxq

• Дзяніс Хазей bit.ly/3i79o4L

• Аляксандр Вінярскі bit.ly/2To4juk

Напісаць анлайн bit.ly/3jwJMLn

Матэрыял падрыхтаваны праваабарончым цэнтрам "Вясна"