Еўрапейская і Міжнародная федэрацыі журналістаў: «Вырак Дзянісу Івашыну – гэта пародыя на суд»
)
Еўрапейская і Міжнародная федэрацыі журналістаў (EFJ-IFJ) далучаюцца да сваёй сяброўскай арганізацыі ў Беларусі, Беларускай асацыяцыі журналістаў (БАЖ), і асуджаюцьвырак на 13 гадоў журналіста Дзяніса Івашына.
Гарадзенскі абласны суд у сераду, 14 верасня, вырак журналіста-расследавальніка Дзяніса Івашына на 13 гадоў і адзін месяц пазбаўлення волі. Еўрапейская і Міжнародная федэрацыі журналістаў (EFJ-IFJ) далучаюцца да сваёй сяброўскай арганізацыі ў Беларусі, Беларускай асацыяцыі журналістаў (БАЖ), асуджаючы гэтую пародыю на правасуддзе і патрабуючы яго неадкладнага вызвалення.
Суд над журналістам пачаўся 15 жніўня 2022 года і праходзіў у закрытым рэжыме. Дзяніса Івашына затрымалі ўвечары ў пятніцу, 12 сакавіка 2021 года, у Горадні. Пяцёра супрацоўнікаў беларускай разведкі (КДБ) правялі ператрусы ў ягоным доме і доме ягоных бацькоў у прыгарадзе Горадні. Асоба зацікавіліся сувязямі журналіста з Украінай. Падчас ператрусаў канфіскавалі кампутары, тэлефоны, сім-карты, банкаўскія карты, кнігі, ноўтбукі і розныя прадметы.
Апошняй публікацыяй Дзяніса Івашына было расследаванне пра былых байцоў «Беркута» – украінскага АМОНу, завербаваных у беларускую міліцыю. Праз гэта КДБ абвінаваціў Дзяніса Івашына ў супрацоўніцтве з украінскай разведкай. Журналісту было прад'яўлена абвінавачанне па Крымінальным кодэксе нібыта за «ўмяшанне ў дзейнасць супрацоўніка органаў унутраных спраў» і нібыта за «здраду дзяржаве».
EFJ і IFJ асуджаюць рашэнне суда, заснаванае на неабгрунтаваных абвінавачаннях. Абедзве федэрацыі лічаць суд над Дзянісам Івашыным чыстай пародыяй на правасуддзе і патрабуюць яго неадкладнага вызвалення.
Арыгінальны артыкул на сайце Еўрапейскай асацыяцыі журналістаў
Пераклад на беларускую мову – БДПЧ
Глядзiце таксама
)
)
)
)
)
Атрымаць падтрымку
