FIDH: Чаму абвінавачванні супраць «Вясны» – беспадстаўныя?
)
На фота: прадстаўнікі FIDH і сенатар Парыжу Рэмі Фера на акцыі салідарнасці 18 ліпеня 2021 года
Некалькі сябраў Праваабарончага цэнтра "Вясна", у тым ліку яго старшыня Алесь Бяляцкі і віцэ-прэзідэнт FIDH Валянцін Стэфановіч, былі абвінавачаныя ва ўхіленні ад выплаты падаткаў у буйным памеры. Міжнародная федэрацыя за правы чалавека FIDH мяркуе, што сапраўдны матыў гэтых беспадстаўных абвінавачванняў - знішчэнне грамадзянскай супольнасці ў Беларусі. І прыводзіць наступныя аргументы.
Некалькі сябраў Праваабарончага цэнтра «Вясна», у тым ліку яго старшыня Алесь Бяляцкі, былі абвінавачаныя ва ўхіленні ад выплаты падаткаў у асабліва буйным памеры. Дакладны характар абвінавачванняў не ясны, збольшага таму, што адвакаты «Вясны» былі вымушаныя падпісаць падпіску аб неразгалошванні.
«Вясна» была пазбаўлена рэгістрацыі ў 2003 годзе і з таго часу не з'яўляецца юрыдычнай асобай і падатковым рэзідэнтам у Беларусі. Усе наступныя спробы зарэгістраваць арганізацыю былі адрынутыя ўладамі. Таму «Вясна» не магла плаціць падаткі як НДА.
Супрацоўнікі «Вясны» таксама не маглі плаціць падаткі ў індывідуальным парадку, паколькі да 2018 года праца ад імя незарэгістраванай арганізацыі каралася крымінальнай адказнасцю (пазней - у адміністрацыйнаым парадку).
Такім чынам, законы ў Беларусі робяць практычна немагчымай легальную дзейнасць праваабаронцаў, што парушае Канстытуцыю Беларусі і міжнароднае права.
Камітэт ААН па правах чалавека прыйшоў да высновы, што ліквідацыя «Вясны» парушае свабоду асацыяцый, і падкрэсліў, што ніякі закон не мусіць прадугледжваць крымінальную адказнасць або дэлегітымізацыю праваабарончай дзейнасці з-за паходжання яе фінансавання.
Падатковыя абвінавачванні выклікаюць абурэнне ў жыхароў Беларусі, якія пры Лукашэнку апынулася ў фінансава цяжкім становішчы, але гэта ні што іншае, як прапагандысцкія хітрыкі.
Беларускія ўлады прымусілі «Вясну» зрабіць выбар: праца ў юрыдычным вакууме або ліквідацыя.
Цяпер, пазбавіўшы арганізацыю яе легальнага статусу, а супрацоўнікаў магчымасці легальна працаваць, яны помсцяць «Вясне» за тое, што арганізацыя вырашыла працягваць абараняць правы беларусаў.
Сапраўдны матыў гэтага пераследу – знішчэнне грамадзянскай супольнасці ў Беларусі пад выглядам барацьбы з падатковымі злачынствамі.
Абвінавачанні супраць «Вясны» аналагічныя абвінавачванням супраць старшыні арганізацыі Алеся Бяляцкага ў 2011 г. Паводле ААН, яго правы таксама былі парушаныя ўладамі Беларусі.
Глядзiце таксама
)
)
)
)
)
Атрымаць падтрымку
