Фонд спартовай салідарнасці заклікаў не распаўсюджваць матэрыялы, здабытыя шляхам катаванняў

 Крыніца: Наша Ніва

БФСС звярнуўся да прадстаўнікоў незалежных медыя, дэмакратычных сіл і інфармацыйных рэсурсаў, - піша "Наша Ніва".

«Паважаныя прадстаўнікі незалежных медыя, дэмакратычных сіл і інфармацыйных рэсурсаў! БФСС звяртаецца да вас з просьбай не распаўсюджваць матэрыялы лукашэнкаўскай прапаганды з удзелам беларускіх спартоўцаў. Пакуль Міжнародны алімпійскі камітэт абмяркоўвае магчымасць допуску спартоўцаў з РФ і Беларусі, сумленныя атлеты знаходзяцца за кратамі ў жудасных умовах і фактычна з'яўляюцца палоннымі», — гаворыцца ў звароце Фонду.

Рэжым намагаецца выкарыстоўваць іх у сваіх злачынных мэтах і фармат «пакаяльных інтэрв'ю» — адзін з інструментаў ціску на свядомасць грамадскасці.

«Звяртаемся з гэтай жа просьбай да грамадскасці, блогераў і актыўных карыстальнікаў сацсетак! Не ўдзельнічайце ў інфармацыйных аперацыях рэжыму!» — гаворыцца ў звароце БФСС.

Публікуецца паводле сайту БАЖ