Пераслед журналістаў і медыяў у 2024 годзе — лічбы года ад БАЖ

Беларуская асацыяцыя журналістаў сабрала статыстыку па рэпрэсіях у галіне ў 2024 годзе. Адметнасцю года стала вялікая колькасць «схаваных рэпрэсій» — выпадкаў, калі сілавікі патрабуюць ад ахвяраў рэпрэсій не даваць нікому інфармацыю пра пераслед. 

Праз такія пагрозы сілавікоў усё болей імёнаў ахвяр рэпрэсій БАЖ не паведамляў у бягучым годзе. Таксама мы прагназуем, што праз запалохванні сілавікамі журналістаў і іх родных, інфармацыя пра частку рэпрэсій наогул не была агучаная.

Калі вы прадстаўнік ці прадстаўніца медыя і зазналі пераслед, заклікаем вас паведамляць пра гэта ў БАЖ. Нават калі гэта факт рэпрэсіі без апублічвання дэталяў.

Арыгінальная публікацыя