Саюз журналістаў Фінляндыі правёў акцыю ў падтрымку беларускіх палітзняволеных медыйшчыкаў

Крыніца: БАЖ

Рада Саюзу журналістаў выказала падтрымку і салідарнасць з беларускімі калегамі, якія зараз знаходзяцца за кратамі.

Рада Саюза журналістаў выказала падтрымку беларускім журналістам. Фота: Heli Saarela

Фінскія журналісты правялі мітынг,  падчас якога яны трымалі ў руках фотаздымкі зняволеных журналістаў. Імёны беларускіх калег былі зачытаныя на мерапрыемстве.

Падзякаваць БАЖ праз Patreon

«Многія еўрапейскія журналісцкія арганізацыі ўдзельнічаюць у такой жа дэманстрацыі падтрымкі. У тым ліку літоўцы і шведы», — кажа эксперт па міжнародных справах Саюзу журналістаў Фінляндыі Сала Назаранка.

У Беларусі за кратамі знаходзяцца 33 журналісты.

Марафон салідарнасці з беларускімі медыйшчыкамі ў няволі стартаваў у Вільні 3 траўня з сумеснай акцыі БАЖ і Саюза журналістаў Літвы. Далей да яго далучаюцца партёры БАЖ з журналісцкіх арганізацый розных краіны свету.

Падтрымаць акцыю салідарнасці БАЖ заклікае калег ва ўсім свеце!

Вы можаце раздрукаваць партрэты зняволеных калег, сфатаграфавацца з імі ў пазнавальных месцах вашага горада (не ў Беларусі) і апублікаваць у сацыяльных сетках з тэгамі #СвабодуЖурналістам і #BecauseTheJournalist, а таксама даслаць нам на адрас baj@baj.by.

#СвабодуЖурналістам
#BecauseTheJournalist

Артыкул на сайце БАЖ