Улады імкнуцца знішчыць незалежную журналістыку ў Беларусі. Зварот БАЖ

03 мая 2023, 18:57
Улады імкнуцца знішчыць незалежную журналістыку ў Беларусі. Зварот БАЖ

Улады Беларусі працягваюць жорсткі наступ на журналістаў і медыя,  фактычна ставячы незалежную журналістыку ўнутры краіны на мяжу знішчэння.

Толькі за апошні час сілавікі правялі ператрусы ў рэдакцыях і кватэрах журналістаў рэгіянальных выданняў «Інфа-Кур’ер» (г. Слуцк) і «Рэгіянальная газета» (г. Маладзечна), была забраная тэхніка і дакументы, а рэдактары выданняў апынуліся за кратамі. У выніку яшчэ два рэгіянальныя медыі вымушаны прыпыніць працу. 

Напярэдадні Дня свабоды прэсы пад пераслед трапіла выданне Intex-press (г. Баранавічы), матэрылы сайта і сацсетак якога 29 красавіка ўлады прызналі эктрэмісцкімі. А нацыянальнае выданне «Народная воля» вымушана прыпыніць выхад PDF-версіі з-за эканамічнай блакады.

На раніцу 3 траўня 2023 года 33 прадстаўнікі беларускіх незалежных медыя знаходзяцца ў турмах і ізалятарах Беларусі.

У падтрымку нашых калег БАЖ абвяшчае акцыю «Марафон салідарнасці». Як  напамін усяму свету пра тое, што ў Беларусі знішчаецца вольнае слова, а журналісты плацяць сваёй свабодай за тое, што чэсна і прафесійна выконвалі сваю працу.

Акцыя сімвалічна стартуе 3 траўняі. БАЖ ладзіць яе ў Вільнюсе супольна з Літоўскім саюзам журналістаў. Мы нагадваем беларускай ўладзе: журналісты — не злачынцы. Без вольнай прэсы не можа быць вольнага грамадства. Патрабуем вызвалення нашых калег!

Заклікаем журналісцкія і праваабарончыя арганізацыі  свету, вядомых паблічных асобаў далучыцца да акцыі і сваім аўтарытэтам паўплываць на вызваленне беларускіх журналістаў.

Падтрымаць акцыю салідарнасці БАЖ заклікае калег ва ўсім свеце!

Вы можаце раздрукаваць партрэты зняволеных калег, сфатаграфавацца з імі ў пазнавальных месцах вашага горада (не ў Беларусі) і апублікаваць у сацыяльных сетках з тэгамі #СвабодуЖурналістам і #BecauseTheJournalist, а таксама даслаць нам на адрас baj@baj.by.

#СвабодуЖурналістам
#BecauseTheJournalist

Арыгінал заявы на сайце БАЖ

Глядзiце таксама

Камітэт абароны журналістаў заклікае да неадкладнага вызвалення журналіста Андрэя Толчына
27 сакавіка 2024, 09:58
Камітэт абароны журналістаў заклікае да неадкладнага вызвалення журналіста Андрэя Толчына
Камітэт абароны журналістаў заклікаў да неадкладнага вызвалення журналіста Андрэя Толчына. 21 сакавіка суддзя Гомельскага абласнога суда Дзмітрый Казлоў прысудзіў беларускаму відэааператару 2,5 гады пазбаўлення волі за спрыянне экстрэмізму і паклёп на Аляксандра Лукашэнку.
БХК: Канцэпцыя сістэмы мер па барацьбе з дыскрымінацыяй і забеспячэнні роўнасці ў Беларусі
27 сакавіка 2024, 09:50
БХК: Канцэпцыя сістэмы мер па барацьбе з дыскрымінацыяй і забеспячэнні роўнасці ў Беларусі
Дакумент распрацаваны ў рамках рэалізацыі Плана дзеянняў на 2023 год, прынятага Кантактнай групай па Беларусі Савета Еўропы, з удзелам экспертаў беларускіх арганізацый грамадзянскай супольнасці, экспертаў Рады Еўропы пры агульнай каардынацыі Беларускага Хельсінкскага Камітэта.
Заява БАЖ: Праз 3 гады пасля падаўлення пратэстаў у Беларусі працягваюць распраўляцца з журналістамі. Патрабуем вызвалення Ігара Карнея і іншых калег
23 сакавіка 2024, 13:29
Заява БАЖ: Праз 3 гады пасля падаўлення пратэстаў у Беларусі працягваюць распраўляцца з журналістамі. Патрабуем вызвалення Ігара Карнея і іншых калег
Праз 3 гады пасля падаўлення пратэстаў у Беларусі працягваюць распраўляцца з журналістамі. Патрабуем вызвалення Ігара Карнея і іншых калег.
Human Constanta: Обзор борьбы с «экстремизмом» в Беларуси за октябрь-декабрь 2023
22 сакавіка 2024, 15:09
Human Constanta: Обзор борьбы с «экстремизмом» в Беларуси за октябрь-декабрь 2023
В обзоре отражены основные тенденции использования маркеров «экстремизм» и «терроризм» в Беларуси с октября по декабрь 2023 года.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці